ഹയര്‍ സെക്കന്‍ഡറി അധ്യാപക സ്ഥലംമാറ്റത്തിനായി തയ്യാറാക്കിയ പട്ടിക അഡ്മിനിസ്‌ട്രേറ്റിവ് ൈട്രബ്യൂണല്‍ അസാധുവാക്കി
ഹയര്‍ സെക്കന്‍ഡറി അധ്യാപക സ്ഥലംമാറ്റത്തിനായി തയാറാക്കിയ പട്ടിക അഡ്മിനിസ്‌ട്രേറ്റിവ് ൈട്രബ്യൂണല്‍ അസാധുവാക്കി. ഒരുപറ്റം അധ്യാപകര്‍ സമര്‍പ്പിച്ച ഹരജിയിലാണ് ട്രൈബ്യൂണലിന്റെ വിധി. സ്ഥലംമാറ്റത്തിന് റവന്യൂ ജില്ലക്ക് പകരം വിദ്യാഭ്യാസ ജില്ലാടിസ്ഥാനത്തില്‍ പരിഗണന നല്‍കി സ്ഥലംമാറ്റ മാനദണ്ഡത്തില്‍ വരുത്തിയ ഭേദഗതിയും ട്രൈബ്യൂണല്‍ റദ്ദാക്കിയിട്ടുണ്ട്. പകരം റവന്യൂ ജില്ല പരിഗണനയില്‍ സ്ഥലംമാറ്റ മാനദണ്ഡം പരിഷ്‌കരിച്ച് ഒരു മാസത്തിനകം ഉത്തരവിറക്കാനും ട്രൈബ്യൂണല്‍ നിര്‍ദേശിച്ചു.
കഴിഞ്ഞ ഏപ്രില്‍ മൂന്നിനാണ് ഹയര്‍ സെക്കന്‍ഡറി സ്ഥലംമാറ്റ മാനദണ്ഡങ്ങള്‍ പരിഷ്‌കരിച്ച് പൊതുവിദ്യാഭ്യാസ വകുപ്പ് ഉത്തരവിറക്കിയത്. മാനദണ്ഡങ്ങള്‍ പരിഷ്‌കരിച്ച് ഉത്തരവിറക്കിയ ശേഷം വീണ്ടും അപേക്ഷ ക്ഷണിച്ച് സ്ഥലംമാറ്റ നടപടികള്‍ സ്വീകരിക്കാനും ട്രൈബ്യൂണല്‍ നിര്‍ദേശിച്ചു. സ്ഥലം മാറ്റത്തിനുള്ള ഓപണ്‍ വേക്കന്‍സി നിശ്ചയിക്കുന്നതിനായി ഉത്തരവില്‍ പറഞ്ഞ രണ്ടാമത്തെ വ്യവസ്ഥ ഭരണഘടന വിരുദ്ധമാണെന്ന് ട്രൈബ്യൂണല്‍ ചൂണ്ടിക്കാട്ടി. അഞ്ചു വര്‍ഷം പൂര്‍ത്തിയാക്കിയ തസ്തികകളും റിട്ടയര്‍മന്റെ് ഒഴിവുകളും പുതിയ ഒഴിവുകളും പരിഗണിക്കുന്നത് ഔട്ട് സ്‌റ്റേഷനില്‍നിന്ന് ഹോം സ്‌റ്റേഷനിലേക്കുള്ള സ്ഥലംമാറ്റത്തിന് മാത്രമായി പരിമിതപ്പെടുത്തിയ വ്യവസ്ഥക്കെതിരെയാണ ്‌ ൈട്രബ്യൂണല്‍ പരാമര്‍ശം. ഇത്തരം ഒഴിവുകളിലേക്ക് മാതൃജില്ലയില്‍നിന്ന് പുറത്തായ അധ്യാപകര്‍ ഉള്‍പ്പെടെയുള്ള എല്ലാവര്‍ക്കും അപേക്ഷിക്കാന്‍ അവസരം നല്‍കണമെന്നും ൈട്രബ്യൂണല്‍ വ്യക്തമാക്കി.
നിശ്ചിത സമയ പരിധിക്കകം ഹോം സ്‌റ്റേഷന്‍ നിശ്ചയിച്ച് ഡയറക്ടറെ അറിയിക്കാത്ത അധ്യാപകരുടെ ഹോം സ്‌റ്റേഷന്‍ അവര്‍ നിലവില്‍ ജോലി ചെയ്യുന്ന വിദ്യാഭ്യാസ ജില്ലയായി നിജപ്പെടുത്തുമെന്ന് സര്‍ക്കാര്‍ ഉത്തരവില്‍ വ്യക്തമാക്കിയിരുന്നു. സര്‍വിസ് കാലയളവില്‍ ഒരു തവണ ഹോം സ്‌റ്റേഷന്‍ മാറ്റം വരുത്താം. അധ്യാപകന്‍ ഹോം സ്‌റ്റേഷനിലെ ഏതെങ്കിലും സ്‌കൂളില്‍ നിര്‍വഹിക്കപ്പെട്ട സര്‍വിസും നിലവില്‍ ജോലി ചെയ്യുന്ന സ്‌കൂളിന്റെ 25 കിലോമീറ്റര്‍ ചുറ്റളവിലുള്ള സ്‌കൂളുകളില്‍ നിര്‍വഹിച്ച സേവനവും ഹോം സ്‌റ്റേഷന്‍ സര്‍വിസായി പരിഗണിക്കുമെന്നും ഉത്തരവില്‍ പറഞ്ഞിരുന്നു. ഈ വ്യവസ്ഥയും അംഗീകരിക്കാനാവില്ലെന്നും ട്രൈബ്യൂണല്‍ വ്യക്തമാക്കിയിട്ടുണ്ട്. ട്രൈബ്യൂണല്‍ ഉത്തരവിനെതിരെ സര്‍ക്കാര്‍ അപ്പീല്‍ നല്‍കുമെന്നാണ് സൂചന. രണ്ടുതവണ കരട് പട്ടിക പ്രസിദ്ധീകരിച്ച് ആക്ഷേപങ്ങള്‍ സ്വീകരിച്ചാണ് അന്തിമ പട്ടിക ഹയര്‍സെക്കന്‍ഡറി ഡയറക്ടറേറ്റ് പ്രസിദ്ധീകരിച്ചത്. ഇതാണ് ട്രൈബ്യൂണല്‍ റദ്ദാക്കിയത്.
https://www.facebook.com/Malayalivartha
