സംസ്ഥാനത്തെ സ്‌കൂളുകളിലെ കഴിഞ്ഞ അധ്യയന വര്‍ഷത്തെ അധ്യാപക തസ്തിക നിര്‍ണയ നടപടി നിര്‍ത്തിവെച്ചു
സംസ്ഥാനത്തെ സ്‌കൂളുകളിലെ കഴിഞ്ഞ അധ്യയന വര്‍ഷത്തെ അധ്യാപക തസ്തിക നിര്‍ണയ നടപടി നിര്‍ത്തിവെച്ചു. സംരക്ഷിത അധ്യാപകരെ എയ്ഡഡ് സ്‌കൂളുകളിലെ ഒഴിവുകളിലേക്ക് പുനര്‍വിന്യസിക്കാനുള്ള തീരുമാനത്തിനെതിരെ മാനേജ്മന്റെുകള്‍ സമര്‍പ്പിച്ച ഹരജിയില്‍ തല്‍സ്ഥിതി തുടരാന്‍ ഹൈകോടതി നിര്‍ദേശിച്ചതോടെയാണിത്. ഈമാസം 23നകം തസ്തിക നിര്‍ണയ നടപടി പൂര്‍ത്തിയാക്കി അധ്യാപക ബാങ്കില്‍ മാറ്റംവരുത്താനിരുന്നതായിരുന്നു.
ഇതിനിടെയാണ് കഴിഞ്ഞ 19ന് തല്‍സ്ഥിതി തുടരാന്‍ ഹൈകോടതി നിര്‍ദേശിച്ചത്. തസ്തിക നിര്‍ണയ നടപടി നിര്‍ത്തിവെച്ചത് ഒട്ടേറെ അധ്യാപകരുടെ പുനര്‍വിന്യാസത്തെയും ബാധിക്കും. എയ്ഡഡ് സ്‌കൂളുകളിലെ ഒഴിവുകളിലേക്ക് സംരക്ഷിത അധ്യാപകരെ ബാങ്കില്‍നിന്ന് പുനര്‍വിന്യസിക്കാനായി കേരള വിദ്യാഭ്യാസ ചട്ടത്തില്‍ സര്‍ക്കാര്‍ ഭേദഗതി വരുത്തിയിരുന്നു. ഇതുപ്രകാരം 1979ന് മുമ്പുള്ള സ്‌കൂളുകളില്‍ വരുന്ന രണ്ട് അധിക തസ്തികകളില്‍ ഒന്നിലേക്ക് സംരക്ഷിത അധ്യാപകരെ പുനര്‍വിന്യസിക്കണം. 1979 മേയ് 22ന് ശേഷം നിലവില്‍വന്ന സ്‌കൂളുകളില്‍ ഭാവിയില്‍ വരുന്ന മുഴുവന്‍ ഒഴിവുകളിലേക്കും അധ്യാപക ബാങ്കില്‍നിന്ന് നിയമിക്കണമെന്നുമായിരുന്നു ചട്ടത്തില്‍ വരുത്തിയ ഭേദഗതി. ഇതാണ് മാനേജര്‍മാര്‍ കോടതിയില്‍ ചോദ്യംചെയ്തതും തല്‍സ്ഥിതി തുടരാനും നിര്‍ദേശിച്ചതും.
https://www.facebook.com/Malayalivartha
