ഇന്ത്യയിലെ പരമോന്നത സാഹിത്യ ബഹുമതിയായ ജ്ഞാനപീഠം പുരസ്‌കാരത്തിന് ഛത്തീസ്ഗഡിലെ ഹിന്ദി കവിയും നോവലിസ്റ്റുമായ വിനോദ് കുമാര്‍ ശുക്ല (88) അര്‍ഹനായി.

11 ലക്ഷം രൂപയും വെങ്കലത്തില്‍ തീര്‍ത്ത സരസ്വതീ ശില്പവും അടങ്ങിയതാണ് അവാര്‍ഡ്. ഛത്തീസ്ഗഡില്‍ ജ്ഞാനപീഠം ലഭിക്കുന്ന ആദ്യ സാഹിത്യകാരനാണ്.മികച്ച സര്‍ഗ്ഗാത്മകതയും വ്യതിരിക്തമായ എഴുത്തു ശൈലിയും കൊണ്ട് ഹിന്ദി സാഹിത്യത്തിന് നല്‍കിയ മികച്ച സംഭാവനകള്‍ പരിഗണിച്ചാണ് 2025ലെ അവാര്‍ഡ് അദ്ദേഹത്തിന് നല്‍കുന്നതെന്ന് പ്രമുഖ സാഹിത്യകാരി പ്രതിഭാ റായി അദ്ധ്യക്ഷയായ ജ്ഞാനപീഠം സെലക്ഷന്‍ കമ്മിറ്റി .


50 വര്‍ഷത്തിലേറെ നീണ്ടതാണ് സാഹിത്യജീവിതം. ദീവാര്‍ മേ ഏക് ഖിഡ്കി രെഹതി ഹെ' എന്ന നോവലിന് 1999-ല്‍, സാഹിത്യ അക്കാഡമി അവാര്‍ഡ് ലഭിച്ചു. കഴിഞ്ഞ വര്‍ഷം, പെന്‍ അമേരിക്ക അന്താരാഷ്ട്ര സാഹിത്യ മികവിനുള്ള നബോക്കോവ് അവാര്‍ഡ് നല്‍കി ആദരിച്ചു. ഛത്തീസ്ഗഡിലെ രാജ്‌നന്ദ്ഗാവില്‍ 1937 ജനുവരി ഒന്നിനാണ് ജനനം.


ഈ ബഹുമതി ലഭിക്കുന്ന ആദ്യ ഏഷ്യന്‍ എഴുത്തുകാരനാണ്.'നൗക്കര്‍ കി കമീസ്' എന്ന നോവല്‍ 1999ല്‍ പ്രശസ്ത ചലച്ചിത്ര നിര്‍മ്മാതാവ് മണി കൗള്‍ അതേപേരില്‍ സിനിമയാക്കി.1971 ല്‍ പ്രസിദ്ധീകരിച്ച 'ലഗ്ഭാഗ് ജയ്ഹിന്ദ്' ആണ് ആദ്യ കവിതാസമാഹാരം.