ഹിന്ദി സിനിമാലോകത്ത് വിവാദനായികയാണ് മല്ലികാ ഷെറാവത്ത്. ഹിന്ദി സിനിമ വ്യവസായത്തില്‍ ഇവര്‍ ഉണ്ടാക്കിയ കലഹങ്ങള്‍ പലപ്പോലും വലിയ മാധ്യമശ്രദ്ധ നേടുക തന്നെ ചെയ്തിരുന്നു.
ഇന്ത്യയിലെ നടന്മാര്‍ പ്രത്യേകിച്ചും ഹിന്ദി നടന്മാര്‍ അത്രകണ്ടു ശരിയായ കക്ഷികളല്ലെന്ന് മല്ലിക ഒരു അഭിമുഖത്തില്‍ പറഞ്ഞത് വന്‍ വിവാദത്തിന് വഴിവെച്ചിരുന്നു. വിവാദ അഭിമുഖത്തില്‍ മല്ലികയുടെ ചില വാക്കുകള്‍ കൈയ്യടി നേടുകയും ചെയ്തിരുന്നു. അഭിമുഖത്തിന്റെ പ്രസക്ത ഭാഗങ്ങള്‍..
നടിമാര്‍ ചിലപ്പോള്‍ ദിവസം 18 മണിക്കൂര്‍ അവര്‍ കഠിനമായി അധ്വാനിക്കുന്നു. പര്‍വ്വത പ്രദേശത്തായാലും സമുദ്ര തീരത്തായാലും മഴയും വെയിലും മഞ്ഞും സഹിച്ച് നടന്റെ പിന്നാലെ കൂത്താടിയേ പറ്റൂ.
സ്ത്രീക്ക് ഒരുപാട് സ്വകാര്യ ബുദ്ധിമുട്ടികള്‍ ഉണ്ട്. നടന്മാര്‍ക്ക് കാരവനില്‍ കേറിയിരുന്നു സ്വതന്ത്രമായി തിന്നും കുടിച്ചും കഴിയാം. അവര്‍ ചോദിക്കുന്ന പ്രതിഫലം നല്‍കുന്നു. നടിമാര്‍ക്കോ കുറഞ്ഞ നിശ്ചിത ശമ്പളമാണ് ലഭിക്കുക. സിനിമയില്‍ എന്നല്ല, പൊതുവില്‍ നടക്കുന്ന ഈ പക്ഷാഭേദം മാറണം.
പക്ഷേ എന്റെ ജീവിതം സുഖപ്രദമാണ്. ഞാന്‍ അഭിനയരംഗത്തു വന്നിട്ട് 12 വര്‍ഷങ്ങളാകുന്നു. ഇന്നും ഞാന്‍ ഇവിടെ പിടിച്ചുനില്‍ക്കുന്നത് ഓര്‍ക്കുമ്പോള്‍ അത്ഭുതം തോന്നുന്നു. പുതുമുഖങ്ങള്‍ക്ക് ഏറിയാല്‍ രണ്ടുവര്‍ഷത്തെ ആയുസ് പോലും ഉണ്ടാകില്ല. പലരും വന്ന ചുവടുകള്‍ അറിയാതെ അപ്രത്യക്ഷരാകുന്നു.
ഞാന്‍ എപ്പോഴും പുതുമകളെ സ്വീകരിക്കുന്നവളാണ്. പുതുമുഖങ്ങള്‍ക്ക് അവസരം നല്‍കിയാല്‍ മാത്രമേ പുതുമ എന്ന വാക്ക് അന്വര്‍ഥമാകൂ. പക്ഷേ ഇവിടെ അങ്ങനെയല്ല.
ജാക്കിചാനുമൊത്ത് ഒരു പടത്തില്‍ അഭിനയിക്കുകയുണ്ടായി. എന്റെ അഭിനയം അദ്ദേഹത്തിന് വളരെയേറെ ഇഷ്ടപ്പെട്ടു. പടം കണ്ടശേഷം എന്നെ ഒരുപാട് പ്രശംസിക്കുകയുണ്ടായി. അതില്‍ ഒരു അഫ്ഗാനിസ്ഥാന്‍ പെണ്ണായിട്ടാണ് അഭിനയിച്ചത്. വിവാഹിതരാകാതെ 'ലിവിംഗ് ടുഗെദര്‍' എന്നുപറഞ്ഞ് ഒരുമിച്ച് ജീവിക്കുന്നതിനെ വേശ്യാവൃത്തി എന്നാണ് വിളിക്കേണ്ടതെന്നും മല്ലിക അഭിമുഖത്തില്‍ പറഞ്ഞുവെയ്ക്കുന്നു.