ആപത്തില് പലരേയും തള്ളി പറഞ്ഞയാളാണ് മഞ്ജു, ഒടിയനോടും അതു തന്നെ ചെയ്യുന്നു: മഞ്ജുവിനെ പരസ്യമായി ആക്രമിച്ച് ശ്രീകുമാര് മേനോന്
ഒടിയന് വിവാദം സിനിമയേയും വിട്ട് ഇപ്പോള് താരങ്ങളുടെ വ്യക്തിജീവിതത്തിലേയ്ക്ക് കയറിയിരിക്കുകയാണ്. ഒടിയന് നേരിടുന്ന വിമര്ശനങ്ങളുടെയെല്ലാം ഉത്തരവാദിത്വം നടി മഞ്ജു വാര്യരുടെ തലയില്കെട്ടിവെയ്ക്കുന്ന നിലപാടാണ് തുടക്കം മുതല് സംവിധായകന് ശ്രീകുമാര് മേനോന് ചെയ്യുന്നത്. ഇപ്പോള് മഞ്ജുവിനെ വ്യക്തിഹത്യ നടത്തുന്ന നിലയിലേയ്ക്ക് കടന്നിരിക്കുകയാണ് ശ്രീകുമാര്. മഞ്ജു ആപത്തു സമയത്ത് എല്ലാവരെയും കൈവിട്ടുകളയുന്നയാളാണെന്ന് അദ്ദേഹം ആരോപിക്കുന്നു. ഒരു അഭിമുഖത്തിലാണ് ശ്രീകുമാറിന്റെ കടന്നാക്രമണം.
'പ്രതിസന്ധിഘട്ടങ്ങളില് മഞ്ജു പലരെയും കൈവിട്ടിട്ടുണ്ട്. സിനിമയിലെ വനിതാകൂട്ടായ്മയായ ഡബ്ല്യൂസിസിയെ കൈവിട്ടത് ശരിയായില്ല. മഞ്ജു തന്റെ ചെറിയ സിനിമകളെപ്പോലും പ്രകീര്ത്തിച്ച് പോസ്റ്റിടുന്നു. അഭിനയിച്ചുകൊണ്ടിരിക്കുന്ന സിനിമയിലെ സംവിധായകനൊപ്പവും മറ്റുമുള്ള പോസ്റ്റുകള് പങ്കുവെയ്ക്കുന്നു. സുഹൃത്തുക്കളുടെ സിനിമകള് പ്രമോട്ട് ചെയ്യുന്നു. എന്നാല് ഒടിയന് പോലുള്ള ഒരു സിനിമയ്ക്കു വേണ്ടി അതൊന്നും ചെയ്തില്ല. ഈ ചിത്രം അവരുടെ മുജ്ജന്മ ഭാഗ്യമാണ്. മോഹന്ലാല്, പ്രകാശ്രാജ് എന്നിവര്ക്കൊപ്പം നില്ക്കുന്ന കഥാപാത്രമാണ് ചിത്രത്തിലേത്. അവരുടെ കൂടെ പരസ്യമായി നില്ക്കുന്ന ഒരേയൊരു നടന് മോഹന്ലാല് ആണ്' ശ്രീകുമാര് പറഞ്ഞു.
'മഞ്ജുവിന്റെ പല നയങ്ങളും അത്ഭുതപ്പെടുത്തുന്നതാണ്. അവര് ഇപ്പോള് സ്വീകരിക്കുന്ന നിലപാടുകള് പ്രതിഛായയെ പ്രതികൂലമായി ബാധിക്കും. അവര് സമൂഹത്തിലുണ്ടാക്കിയെടുത്ത നിലയും വിലയുമുണ്ട്. അത് കൃത്യമായ നിലപാടുകളിലൂടെ വന്നതാണ്. ഇപ്പോള് ഇങ്ങനെയെല്ലാം ചെയ്യുന്നത് ആരെയെങ്കിലും ഭയന്നിട്ടാണോയെന്ന് സംശയമുണ്ട്. എന്നാല് ഇതുവരെ ചെയ്ത കാര്യങ്ങള് അപ്രസകതമാക്കുന്നതാണ് ഇപ്പോള് ചെയ്യുന്നത്. നിലപാടുകള് തിരുത്തണം. മലയാളത്തിലെ മികച്ച അഭിനേത്രിയാണവര്. അവരുടെ വില അവര് തന്നെ തിരിച്ചറിയണം. വനിതാ മതിലിനെക്കുറിച്ച് പറയുമ്പോള് തന്റെ അറിവില്ലായ്മ എന്നു പറയുന്നതില് അര്ത്ഥമെന്താണ്' എന്നും ശ്രീകുമാര് ആഞ്ഞടിച്ചു.
ഒടിയന് റിലീസായി മോശം കമന്റുകള് വന്നപ്പോള് മുതല് എല്ലാത്തിനും കാരണം മഞ്ജുവാണെന്നാണ് ശ്രീകുമാര് പറഞ്ഞത്.
നടി മഞ്ജു വാരിയരെ താന് സഹായിക്കാന് തുടങ്ങിയപ്പോള് മുതല് ആരംഭിച്ച ആക്രമണത്തിന്റെ ഭാഗമാണ് 'ഒടിയന്' സിനിമയ്ക്കെതിരായുള്ള സൈബര് ആക്രമണമെന്നും ഇതിനെതിരെ മഞ്ജു പ്രതികരിക്കണമെന്നും ശ്രീകുമാര് മേനോന് ആവശ്യപ്പെട്ടിരുന്നു. സിനിമാരംഗത്ത് ഞാന് ആരുമല്ല. ആരുമായും ശത്രുതയില്ല, ആരുടെയും തിരക്കഥയും മോഷ്ടിച്ചില്ല. എന്നിട്ടും എനിക്കെതിരെ സിനിമയില് നിന്നും വലിയ ശത്രുത ഉണ്ട്. സിനിമാരംഗത്ത് വരുന്നതിനുമുമ്പാണ് ഈ ശത്രുത ഉണ്ടായത്. അതിന്റെ കാരണങ്ങള് നിങ്ങള്ക്ക് അറിയാം. ആ കാരണങ്ങള് കൊണ്ടാണ് വിവാദങ്ങളിലേയ്ക്കും വെറുപ്പുകളിലേയ്ക്കും ഞാന് വലിച്ചിഴയ്ക്കപ്പെട്ടത്. അതിന്റെ കലാശക്കൊട്ടായിരിക്കാം ഇപ്പോള് കണ്ടത്. ഏത് വിഷയത്തിലാണ് ആക്രമിക്കപ്പെട്ടതെന്ന് ഇതിനു മുമ്പ് ഞാന് പറഞ്ഞിട്ടുണ്ട്. അത് ആവര്ത്തിക്കേണ്ട ആവശ്യം എനിക്കില്ല, ശ്രീകുമാര് മേനോന് പറഞ്ഞു.
മോഹന്ലാല് എന്ന പേരില് ചിത്രമെടുത്ത സാജിദ് യാഹിയയോ, മഞ്ജു വാരിയറെ നായികയാക്കി സംവിധാനം ചെയ്ത ഫാന്റം പ്രവീണോ ഇത്തരത്തില് ആക്രമിക്കപ്പെടുന്നില്ല. അപ്പോള് ഞാന് പറഞ്ഞ കാര്യങ്ങള് കുറച്ചുകൂടി സത്യസന്ധമാവുകയല്ലേ? ശ്രീകുമാര് ആരോപിച്ചു. ഒടിയനെ തോല്പ്പിക്കാന് മോശം പറയുന്നത് ദിലീപ് ഫാന്സാണെന്നും അദ്ദേഹം പറഞ്ഞിരുന്നു.
https://www.facebook.com/Malayalivartha