പ്രിയദര്ശന് സി.ബി.ഐ ഉദ്യോഗത്തിന് പോയില്ല
മോഹന്ലാലിന് മഞ്ഞില് വിരിഞ്ഞ പൂക്കളിലേയ്ക്കുള്ള ക്ഷണം ഉണ്ടാകുമ്പോള് പ്രിയദര്ശനും ഒപ്പം പോയി. പ്രിയന് സി.ബി.ഐയില് നിന്നുള്ള ഇന്റര്വ്യൂ കാര്ഡ് ലഭിച്ചതിന് തൊട്ടടുത്ത ദിവസമായിരുന്നു അത്. മുമ്പ് എഴുതിയ പരീക്ഷയാണ്. അതില് ജയിച്ചിരുന്നു.
അഭിമുഖത്തിനായുള്ള അറിയിപ്പാണ് വന്നത്. വീട്ടില് അറിയിച്ചാല് ഒരിക്കലും ലാലന്റെ കൂടെ വിടില്ല എന്നറിയാം. അതുകൊണ്ട് ആ കാര്ഡ് തലയണയ്ക്കുള്ളില് ഒളിപ്പിച്ചിട്ടാണ് ലാലിന് ഒപ്പം പോയത്. മടങ്ങിവരുമ്പോള് അച്ഛന് ആദ്യം തിരക്കിയത് ഇന്റര്വ്യൂ കാര്ഡിനെക്കുറിച്ച് ആണ്. അറിയില്ലെന്ന് കളവ് പറഞ്ഞു. അടിച്ചില്ലെങ്കിലും കൈ ഓങ്ങിക്കൊണ്ട് അന്ന് അച്ഛന് പറഞ്ഞത് \'ജീവിതത്തില് ഇനി നിന്നെ സപ്പോര്ട്ട് ചെയ്യില്ലെന്നായിരുന്നു.\' സത്യത്തില് ആ പോക്കാണ് പ്രിയന്റെ ജീവിതത്തെ മാറ്റിമറിച്ചത്.മഞ്ഞില് വിരിഞ്ഞ പൂക്കളോടെ ലാല് വില്ലനായി. ഇനി എല്ലാകാലത്തും വില്ലനായിരിക്കുമെന്നും തോന്നി. കാരണം ഒരു ഹീറോ ആകാനുള്ള ഭംഗിയൊന്നും ലാലിന് അന്നുള്ളതായി തോന്നിയിട്ടില്ല. പക്ഷേ, പ്രിയന്റെ മനസ്സില് ആഗ്രഹമുണ്ടായിരുന്നു. ലാലിനെ ഒരു ഹ്യൂമര് വേഷത്തില് കാണാന്.
കാരണം ലാലിന്റെ സ്വതഃസിദ്ധമായ നര്മ്മവും അത് അവതരിപ്പിക്കുന്ന രീതിയുമൊക്കെ മറ്റാരേക്കാളും അടുത്തറിയാവുന്ന ഒരാളായിരുന്നു പ്രിയന്. ആ ചിന്തയാണ് \'എങ്ങനെ നീ മറക്കും\' എന്ന ചിത്രത്തിലെ ശംഭുവിനെ സൃഷ്ടിക്കാന് എനിക്ക് പ്രചോദനമായത്. ലാലിന്റെ ആദ്യത്തെ ഹ്യൂമര് വേഷമായിരുന്നു അത്. അതിന്റെ തൊട്ടുപിന്നാലെ ഭദ്രന്റെ എന്റെ മോഹങ്ങള് പൂവണിഞ്ഞു എന്ന ചിത്രവും പുറത്തിറങ്ങി. ലാലിന്റെ ഹീറോയിലേയ്ക്കുള്ള ചുവടുമാറ്റം അവിടം മുതല്ക്കായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha