മോഹന്ലാല് പ്രിയദര്ശന്റെ ജൂനിയര്
തൈക്കാട് മോഡല് സ്ക്കൂളിലാണ് പ്രിയദര്ശനും മോഹന്ലാലും പഠിച്ചിരുന്നത്. പ്രിയന്റെ രണ്ടുവര്ഷം ജൂനിയറായിരുന്നു ലാല്. പ്രിയന്റെ ഇളയസഹോദരിയായിരുന്നു ലാലിന്റെ സഹപാഠി. അപ്പോഴും ഇരുവരും തമ്മില് വലിയ സൗഹൃദങ്ങളൊന്നുമില്ലായിരുന്നു.
ലാലിനെ ആദ്യം പ്രിയന് ശ്രദ്ധിക്കുന്നത് സ്ക്കൂളിലെ ഏറ്റവും മികച്ച നടനായി തെരഞ്ഞെടുക്കപ്പെട്ട വേളയിലാണ്. ലാല് അന്ന് ഏഴിലാണ് പഠിക്കുന്നത്. അതിനുമുമ്പുവരെയും ഹൈസ്ക്കൂള് ക്ലാസില് പഠിച്ചിരുന്നവര് മാത്രമേ ആ അവാര്ഡ് സ്വന്തമാക്കിയിട്ടുള്ളൂ. ജഗതിശ്രീകുമാറും ജഗദീഷുമൊക്കെ ആ നേട്ടം കൈവരിച്ചവരായിരുന്നു. അവരുടെ ഇടയിലേയ്ക്കാണ് ഒരു അപ്പര്പ്രൈമറിക്കാരന് കടന്നുവന്നിരിക്കുന്നത്. അപ്പോഴൊന്നും ലാല് ഒരു നടനാകുമെന്ന് സ്വപ്നത്തില്പോലും കരുതിയിട്ടില്ല.
ഒരു ബസ് സ്റ്റാന്റിന് അപ്പുറവും ഇപ്പുറവും ഉള്ളവരായിരുന്നു പ്രിയന്റെയും ലാലിന്റെയും വീട്. പ്രീയന്റെ വീട് പൂജപ്പുരയിലും ലാലിന്റെ വീട് മുടവന്മുഗളിലും. ആ നിലയ്ക്ക് അയല്ക്കാരുമായിരുന്നു. അതിനേക്കാളേറെ പ്രീയന്റെ അച്ഛനുമമ്മയ്ക്കും ലാലിന്റെ അച്ഛനേയും അമ്മയേയും നല്ലതുപോലെ അറിയാമായിരുന്നു. പ്രിയന്റെ മാതാപിതാക്കള് ഇടയ്ക്കിടെ അവിടെ പോകും. ആ സന്ദര്ശനങ്ങളിലാണ് പ്രിയന് ലാലിനെ കണ്ടിട്ടുള്ളത്. ഒരു ചിരിയിലൊതുങ്ങിയ സൗഹൃദമേ അന്ന് ഉണ്ടായിരുന്നുള്ളൂ. പിന്നെ കണ്ടുമുട്ടാറുള്ളത് പൂജപ്പുരയിലെ ക്രിക്കറ്റ് മൈതാനിയിലാണ്.
സ്ക്കൂള് വിദ്യാഭ്യാസത്തിനുശേഷം പ്രിയന് യൂണിവേഴ്സിറ്റി കോളേജില് ചേര്ന്നു. ലാല് എം.ജി. കോളേജിലും. അവിടെ ലാലിന്റെ സഹപാഠി അശോക്കുമാറായിരുന്നു. അക്കാലത്ത് ഇരുവരും പതിവായി ഒത്തുകൂടാറുള്ള സ്ഥലമായിരുന്നു ഇന്ത്യന് കോഫി ഹൗസ്. ലാലും അവിടെ എത്താറുണ്ട്. ഏഷ്യാനെറ്റിലെ എഡിറ്റര് എം.ജി രാധാകൃഷ്ണന് ആയിരുന്നു മറ്റൊരു സുഹൃത്ത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha