എങ്ങനെയും വോട്ട് നേടാനുള്ള ശ്രമത്തില്‍ പറ്റുന്ന അമളികള്‍ ആഘോഷിച്ച് സോഷ്യല്‍ മീഡിയ.അരുവിക്കരയില്‍ വോട്ട് പിടിക്കാനെത്തിയ സീരിയല്‍ താരത്തിന് പറ്റിയ അമളി സോഷ്യല്‍ മീഡിയയില്‍ വൈറല്‍. തെരഞ്ഞെടുപ്പ് പ്രചാരണം കൊഴുക്കുമ്പോള്‍ സീരിയല്‍ താരങ്ങളും വോട്ടഭ്യര്‍ത്ഥനയുമായി സജീവമായി രംഗത്തുണ്ട്. ബിജെപിക്ക് വേണ്ടി വോട്ട് ചോദിച്ച് എത്തിയത് ചന്ദനമഴയിലെ നായിക മേഘ്‌നയായിരുന്നു. കുടുംബയോഗങ്ങളില്‍ പങ്കെടുത്തുകൊണ്ടാണ് പ്രേക്ഷകരുടെ പ്രിയങ്കരിയായ അമൃത വോട്ട് ചോദിക്കുന്നത്. ഏഷ്യാനെറ്റിലെ ചന്ദനമഴ എന്ന സീരിയലില്‍ അമൃത എന്ന കഥാപാത്രത്തെയാണ് മേഘ്‌ന അവതരിപ്പിക്കുന്നത്. എന്തായാലും മേഘ്‌നയെ രംഗത്തിറക്കിയപ്പോള്‍ ബിജെപിക്ക് അബന്ധം പിണയുകയും ചെയ്തു. ഇതിന്റെ പേരില്‍ സോഷ്യല്‍ മീഡിയയിലൂടെ കടുത്ത വിമര്‍ശനം നേരിടേണ്ട അവസ്ഥയിലാണ് ബിജെപി.
താരത്തിന്റെ പ്രസംഗം ഇങ്ങനെയാണ് ഇന്ത്യക്കൊപ്പം പുരോഗമിക്കുന്ന മറ്റൊരു ഇന്ത്യ ഉണ്ടാകണമെനനാണ് എന്റെ ആഗ്രഹം. ചെന്നൈ, മുംബൈ തുടങ്ങിയ വിദേശരാജ്യങ്ങളില്‍ കാറിലിരുന്ന് മെയ്ക്കപ്പിടാം. ഇവിടെ പറ്റില്ല തുടങ്ങിയ അബന്ധങ്ങളായിരുന്നു മേഘ്‌നയുടെ പ്രസംഗത്തില്‍ സംഭവിച്ചത്.
എന്നാല്‍, അരുവിക്കരയിലെ റോഡുകളെ ഉദ്ദേശിച്ചായിരുന്നു നടിയുടെ പരാമര്‍ശമെങ്കിലും കിട്ടിയ അവസരത്തില്‍ എല്ലാവരും ബിജെപിക്ക് എതിരെ തിരിഞ്ഞു. വെറുമൊരു നാവുപിഴയാണെങ്കിലും അതിനെ വെറുതേ വിടാന്‍ ഈ തെരഞ്ഞെടുപ്പ് വേളയില്‍ സോഷ്യല്‍ മീഡിയ തയ്യാറായില്ല. ഇതോടെ നടിയെ ട്രോളടിച്ചുള്ള പോസ്റ്റുകളും സജീവമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha