ഒരറ്റ ചോദ്യം മതി ജീവിതം മാറിമറിയാന്‍ എന്ന് പറയാറുള്ളതുപോലെ ഒരു വാക്കുമതി സോഷ്യല്‍ മീഡിയയില്‍ താരമാകാനും. അരുവിക്കരയില്‍ എങ്ങനെയും ആളെക്കൂട്ടി വോട്ടുനേടാനുള്ള ശ്രമത്തിലാണ് പാര്‍ട്ടികള്‍ എല്ലാം. അതിനിടയിലാണ് വോട്ടുചോദിക്കാന്‍ സീരിയല്‍ താരങ്ങളെ ബിജെപി രംഗത്തിറക്കിയത്. പ്രചാരണത്തിനിടെ ഏഷ്യാനെറ്റിലെ ചന്ദനമഴ സീരിയലിലെ നായികക്കു പിണഞ്ഞ അമളിയാണ് ഇന്നലെ സോഷ്യല്‍ മീഡിയയില്‍ വൈറലായത്. അതില്‍ വിശദീകരണവുമായി മേഘ്‌ന രംഗത്തെത്തിയിരിക്കുകയാണ് ട്രോളുകളെ പോസിറ്റീവായും രസകരവുമായി കാണുന്നു. അതിലെ വിമര്‍ശനങ്ങളെ സ്വാഗതം ചെയ്യുന്നു. എന്നാല്‍ താന്‍ ഉദ്ദേശിച്ചതല്ല പ്രചരിച്ചതെന്നുമാത്രം.
ഇന്ത്യക്കൊപ്പം പുരോഗമിക്കുന്ന മറ്റൊരു ഇന്ത്യ ഉണ്ടാക്കണമെന്നാണ് എന്റെ ആഗ്രഹം, ചെന്നൈ, മുംബൈ തുടങ്ങിയ സ്ഥലങ്ങളില്‍ കാറിലിരുന്ന് മെയ്ക്കപ്പിടാം, ഇവിടെ പറ്റില്ല. അതിനു കാരണം ഇവിടുത്തെ റോഡിന്റെ അവസ്ഥയാണ് എന്നാണ് ഞാന്‍ പറഞ്ഞത്. എന്നാല്‍ കാറിലിരുന്ന് മെയ്ക്കപ്പിടാന്‍ പറ്റില്ല, എന്നുള്ളത് മാത്രമാണ് എല്ലാവരും ശ്രദ്ധിച്ചത്.
അരുവിക്കരയില്‍ ചെന്ന സമയത്ത് എന്റെ കഥാപാത്രം ആശുപത്രിയില്‍ കോമയില്‍ കിടക്കുന്ന ഭാഗമാണ് അഭിനയിച്ചുകൊണ്ടിരുന്നത്. പ്രസംഗം കഴിഞ്ഞതും ഒരു അമ്മൂമ്മ ഓടി വന്ന് കെട്ടിപിടിച്ചിട്ട് പറഞ്ഞു. ഇപ്പോഴാ മോളെ സമാധാനമായത്. അമൃത മോള്‍ക്ക് കുഴപ്പമൊന്നുമില്ലെന്ന് അറിഞ്ഞതില്‍ സന്തോഷമുണ്ടെന്ന്. ഏതായാലും പരീക്ഷണം കുറിക്കും കൊണ്ടു, തിങ്കള്‍ മുതല്‍ വെള്ളിവരെ സ്വീകരണമുറിയിലെത്തുന്ന പ്രിയതാരങ്ങളെക്കാണാന്‍ കൂട്ടത്തോടെയാണ് ജനങ്ങളെത്തുന്നത്. പ്രത്യേകിച്ചും സ്ത്രീ പ്രേക്ഷകര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha