അല്ഫോന്സ് പുത്രന് വിവാഹിതനാകുന്നു; വധു മലയാളത്തിലെ പ്രമുഖ നിര്മ്മാതാവിന്റെ മകള്
സ്വന്തം സിനിമയില് വില്ലനായി തല്ലുംവാങ്ങി, വധുവാകേണ്ട പെണ്ണിനെ നായകന് കൊണ്ടുപോകുകയും ചെയ്യുന്ന അവസ്ഥ, അതിനെല്ലാം കൈയ്യടി കിട്ടി പടം സൂപ്പര് ഹിറ്റായതോടെ ഇനി സംവിധായകന് കല്യാണം. പ്രേമം എന്ന ചിത്രം തീയറ്ററുകളിലെ സര്വകാല റെക്കോര്ഡുകളെല്ലാം തകര്ത്ത് മുന്നേറുമ്പോള് ചിത്രത്തിന്റെ സംവിധായകന് അല്ഫോന്സ് പുത്രന് മംഗല്യം. യുവസംവിധായകനായ അല്ഫോന്സ് പുത്രന് വിവാഹിതനാകുന്നു എന്നതാണ് വാര്ത്ത. മലയാളത്തിലെ പ്രമുഖ നിര്മ്മാതാവിന്റെ മകളാണ് വധു.
ജൂലൈയിലാണ് വിവാഹനിശ്ചയം. ചിങ്ങത്തില് വിവാഹം. ചെന്നൈയില്വച്ചാണ് ഇരുവരും പരിചയപ്പെടുന്നത്. പിന്നീട് വീട്ടുകാര് ആലോചിച്ച് വിവാഹം തീരുമാനിക്കുകയുമായിരുന്നു. പുത്രന് പോളിന്റെയും ഡെയ്സി ചാക്കോയുടെയും മകനാണ് അല്ഫോന്സ് പുത്രന്. ആലുവയാണ് സ്വദേശം. കുട്ടിക്കാലത്തുതന്നെ സിനിമ തലയ്ക്കു പിടിച്ച അല്ഫോന്സ് ചെന്നൈയില് ഡിജിറ്റല് ഫിലിം മേക്കിങ് പഠിച്ച ശേഷം ആരുടെയും സഹായിയായി പ്രവര്ത്തിക്കാതെയാണു \'നേരം എടുത്തത്.
ആദ്യചിത്രം തമിഴിലും മലയാളത്തിലും ഹിറ്റായ ശേഷം ഇടവേളക്ക് ശേഷമാണ് അല്ഫോന്സ് പ്രേമം എടുക്കുന്നത്. ഈ ചിത്രം അടുത്തകാലത്ത് മലയാളത്തില് നേടിയ ഏറ്റവും വലിയ വിജയമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha