പ്രേമം ഡൗണ്ലോഡ് ചെയ്ത യുവാവിനെ ഓസട്രേലിയയില് അറസ്റ്റ് ചെയ്തെന്ന വാര്ത്ത വെറുതെ കെട്ടിച്ചമച്ചതെന്ന് റിപ്പോര്ട്ട്
പ്രേമം വീണ്ടും വാര്ത്തയില് നിറയുന്നു. പ്രേമം ഡൗണ്ലോഡ് ചെയ്ത കുറ്റത്തിന് മെല്ബണില് എന്ജിനീയറായ പാല സ്വദേശി അറസ്റ്റിലായെന്ന വാര്ത്തക്ക് ഇതുവരെ സ്ഥിതീകരണമില്ല. ഓസ്ട്രേലിയന് പൈറസി നിയമപ്രകാരം 20,000 ഡോളര് വരെ പിഴ വരെ ലഭിക്കാവുന്ന കുറ്റകൃത്യം ചുമത്തിയാണ് അനീഷിനെ അറസ്റ്റു ചെയ്തതെന്നാണ് മലയാളം മാദ്ധ്യമങ്ങളില് വന്ന വാര്ത്തകള്. സിനിമയുടെ ഓസ്ട്രേലിയന് വിതരണം ഏറ്റെടുത്തവര് ഉണ്ടാക്കിയ വ്യാജ വാര്ത്തയാണ് ഇതെന്നാണ് ഇപ്പോള് ഉയരുന്ന ആരോപണം. എന്നാല് ഈ ആരോപണത്തിന്റെ നിജസ്ഥിതി ഇനിയും ബോധ്യപ്പെടേണ്ടതുണ്ട്. എന്നാല് ഇങ്ങനെ ഒരു അറസ്റ്റ് വിവരം മലയാളി പത്രങ്ങളില് അല്ലാതെ മറ്റൊരിടത്തും ഇല്ല എന്നതാണ് വാസ്തവം
നേരത്തെ ഇന്ത്യയില് ചിത്രത്തിന്റെ വ്യാജകോപ്പി പ്രചരിക്കുന്നതിന് എതിരായി നിര്മ്മാതാവ് അന്വര് റഷീദ് ആന്റി പൈറസി സല്ലിനും പൊലീസിനും പരാതി നല്കിയിട്ടുണ്ട്. ഇതിനിടെയാണ് ഓസ്ട്രേലിയയില് നിന്ന് മലയാളി യുവാവിനെ അറസ്റ്റു ചെയ്തെന്ന വാര്ത്ത പുറത്തുവന്നത്. ഓസ്ട്രേലിയന് പൈറസി നിയമപ്രകാരം 20,000 ഡോളര് വരെ തടവു ലഭിക്കുന്ന നിയമം പാസാക്കിയത് ഇക്കഴിഞ്ഞ ജൂണ് 22നാണ്.
ഇതിനോടൊപ്പം തന്നെ ഓസ്ട്രേലിയ,ന്യൂസിലാന്ഡ്, കാനഡ എന്നീ രാജ്യങ്ങളില് നിന്നും കൂടുതല് മലയാളികള് സിനിമാ ഡൗണ്ലോഡിംഗിന്റെ പേരില് പിടിയിലാകാന് സാധ്യതയുണ്ടെന്ന റിപ്പോര്ട്ടുകളും പുറത്തുവന്നിരുന്നു. പൈറസി നിയമം വിദേശ രാജ്യങ്ങളില് ശക്തമാണ്. ഈ നിയമത്തിന്റെ ഗൗരവമറിയാതെയാണ് ഇന്റര്നെറ്റില് നിന്നും മലയാളികള് സിനിമകള് ഡൗണ്ലോഡ് ചെയ്യുന്നതെന്നും ഇത്തരക്കാരെയെല്ലാം പൊലീസ് നിരീക്ഷിക്കുകയാണെന്ന വിധത്തിലും മാദ്ധ്യമ വാര്ത്തകള് പുറത്തുവന്നിരുന്നു.
വിദേശത്ത് സിനിമ വിതരണത്തിന് എടുത്തവര് പൈറേറ്റുകളെ തടയാന് പടച്ചുവിട്ട വ്യാജ അറസ്റ്റുവാര്ത്തയാണെന്ന നിഗമനത്തില് എത്താന് കാരണം ഇതൊക്കെയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
