എന്നും മലയാളത്തിന്റെ പ്രിയ നടന്മാരില്‍ ഒരാളാണ് സുരേഷ് ഗോപി. മലയാളികളുടെ പ്രിയ നടന്‍ സുരേഷ് ഗോപി ഇന്ന് പിറന്നാള്‍ ആഘോഷിക്കുകയാണ്. താരത്തിന് ജന്മദിനാശംസകള്‍ നേര്‍ന്ന് കൊണ്ട് മലയാളത്തിലെ യുവതാരങ്ങള്‍ മുന്നോട്ടെത്തി. നിരവധി ചിത്രങ്ങളില്‍ സുരേഷ് ഗോപി അഭിനയിച്ചു. ഷാജി കൈലാസിന്റെ ഏകലവ്യനിലൂടെയാണ് അദ്ദേഹം നായകനിരയിലേക്കുയരുന്നത്. 1986ല്‍ പുറത്തിറങ്ങിയ പല പ്രമുഖ ചിത്രങ്ങളിലും പ്രധാനവേഷത്തിലഭിനയിച്ചുകൊണ്ട് സുരേഷ്‌ഗോപി മലയാള സിനിമയില്‍ തന്റെ സാന്നിധ്യമുറപ്പിച്ചു.
മലയാളത്തിലെ ആക്ഷന്‍ ഹീറോ ആയി സുരേഷ് ഗോപി തിളങ്ങി. അഭിനയം കൂടാതെ നിരവധി ജീവകാരുണ്യ പ്രവര്‍ത്തനങ്ങളിലും താരം സജീവമായി. 1957 ജൂണ്‍ 26ന് താരത്തിന്റെ ജനനം. തമ്പിക്കണ്ണന്താനം, ജോഷി, ഷാജി കൈലാസ് തുടങ്ങിയ സംവിധായകരാണ് സുരേഷ് ഗോപിയെ സൂപ്പര്‍താരമാക്കിയത്. ഷാജി കൈലാസിന്റെ ആക്ഷന്‍ ചിത്രങ്ങളിലൂടെ രണ്ടാംനിരയില്‍ നിന്നും സുരേഷ് ഗോപി സൂപ്പര്‍താരപദവിയിലേക്ക് ഉയര്‍ന്നു. അതിനു സഹായിച്ചത് തലസ്ഥാനം, ഏകലവ്യന്‍, കമ്മീഷണര്‍ തുടങ്ങിയ ചിത്രങ്ങളാണ്.

ന്യൂഡല്‍ഹി, ജനുവരി ഒരു ഓര്‍മ്മ, ഇരുപതാം നൂറ്റാണ്ട്, തലസ്ഥാനം, കമ്മീഷണര്‍, ലേലം, ജനാധി പത്യം തുടങ്ങിയ ചിത്രങ്ങളിലൂടെ അദ്ദേഹത്തിന്റെ അഭിനയമികവ് മലയാള സിനിമാപ്രേക്ഷകര്‍ അംഗീകരിക്കുകയായിരുന്നു. പിന്നീട് പത്രം, എഫ്.ഐ.ആര്‍, സമ്മര്‍ ഇന്‍ ബത്‌ലഹേം, പ്രണയവര്‍ണ്ണങ്ങള്‍, തെങ്കാശിപട്ടണം തുടങ്ങിയ സൂപ്പര്‍ഹിറ്റുകളുമുണ്ടായി. ഗായികയായ രാധികയാണ് ഭാര്യ. മക്കള്‍ നാലുപേരാണ്. തിരുവനന്തപുരത്തെ ശാസ്തമംഗത്ത് കുടുംബവുമൊത്ത് താമസിച്ച് വരികയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha