നമിതയെ ദിലീപ് ഒഴിവാക്കി
യുവനടി നമിതാ പ്രമോദിനെ തന്റെ പുതിയ ചിത്രമായ കനേഡിയന് താറാവില് നിന്ന് ദിലീപ് ഒഴിവാക്കി. തുടര്ച്ചയായി പല ചിത്രങ്ങളിലും നമിത നായികയായത് കൊണ്ടാണ് ദിലീപ് ഇങ്ങനെ ഒരു തീരുമാനം എടുത്തത്. സംവിധായകന് ഇക്കാര്യം പറഞ്ഞപ്പോഴേ നിരസിക്കുകയായിരുന്നു.
എന്നാല് ചിത്രത്തിന്റെ അണിയറപ്രവര്ത്തകരാരും തന്നെ സമീപിച്ചിട്ടില്ലെന്ന് നമിത വ്യക്തമാക്കി. നാദിര്ഷായുടെ അമര്,അക്ബര്,ആന്റണിയില് അഭിനയിക്കുകയാണ് നമിത. മറ്റൊരു പ്രോജക്ടിലും താരം കരാറൊപ്പിട്ടില്ല. ചന്ദ്രേട്ടന് എവിടെയാ, സൗണ്ട് തോമ, വില്ലാളി വീരന് തുടങ്ങിയ സിനിമകളില് നമിതായിരുന്നു നായിക. ഇതേ തുടര്ന്നാണ് ഒരേ നായിക തന്നെ വേണ്ടെന്ന് തീരുമാനിച്ചത്.
എന്നാല് ഓടിനടന്ന് അഭിനയിക്കേണ്ടെന്നാണ് നമിതയുടെ തീരുമാനം. ബി.എ ലിറ്ററേച്ചറിന് കറസ്പോണ്ടന്സായി പഠിക്കുകയാണ് താരം. അതിന്റെ തിരക്കുകള് കഴിഞ്ഞുള്ള സമയങ്ങളില് അഭിനയിക്കാനാണ് ആലോചന. അതേസമയം അടുത്തകാലത്ത് നമിത അഭിനയിച്ച ചിത്രങ്ങളെല്ലാം ഹിറ്റായതിനാല് തമിഴില് നിന്നടക്കം താരത്തിന് നിരവധി അവസരങ്ങളുണ്ട്.
സിനിമയില് തിരക്കേറിയതോടെ, തിരുവനന്തപുരം സ്വദേശിയായ നമിത കൊച്ചിയില് ഫല്റ്റ് വാങ്ങി താമസിക്കുകയാണ്. ഒഴിവ് കിട്ടുമ്പോഴാണ് തിരുവനന്തപുരത്തേക്ക് വരുന്നത്. ശനിയും ഞായറുമാണ് ക്ലാസുകള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha