ആദ്യ പ്രണയം പതിനെട്ടാം വയസില്; ആസിഫിനൊപ്പം അഭിനയിക്കാന് ഏറെ ഇഷ്ടം
നിത്യ മെനോന് ഇപ്പോഴും പ്രണയിക്കുകയാണ്. തന്റെ ആദ്യ പ്രണയത്തിന്റെ ഹാങ്ങ് ഓവര് വിട്ടുപോകുന്നില്ലെന്നും താരം വെളിപ്പെടുത്തി. പ്രണയ ഗോസിപ്പുകളില് അധികം നിറഞ്ഞിട്ടില്ലാത്ത നടി ഇപ്പോള് തന്റെ പ്രണയത്തെപ്പറ്റിയും വിവാഹ സങ്കല്പങ്ങളെപ്പറ്റിയും മനസ് തുറക്കുകയാണ്. ഗൃഹലക്ഷ്മിക്ക് നല്കിയ അഭിമുഖത്തിലാണ് നിത്യ തന്റെ ആദ്യ പ്രണയത്തെക്കുറിച്ചും സങ്കല്പങ്ങളും പങ്ക് വച്ചത്.
ആദ്യപ്രണയമുണ്ടാക്കിയ വൈകാരിക തലത്തില് നിന്നുകൊണ്ടാണ് തനിക്ക് അഭിനയിക്കാന് സാധിച്ചതെന്നാണ് നിത്യ പറയുന്നത്. അതൊക്കെ അനുഭവിച്ചാലേ വികാരങ്ങള്ക്ക് ആഴമുണ്ടാവൂ എന്നാണ് നിത്യയുടെ പക്ഷം. പ്രണയത്തില് താന് വിശ്വസിക്കുന്നു എന്നും നിത്യ പറഞ്ഞു.
തന്റെ ആദ്യ പ്രണയം പതിനെട്ടാം വയസ്സിലാണെന്നും അത് തകര്ന്നപ്പോള് ഏറെ വേദനിച്ചുവെന്നും നടി പറഞ്ഞു. ആദ്യ പ്രണയം മോശമായിട്ടാണ് അവസാനിച്ചത്. ഹൃദയം വല്ലാതെ വേദനിച്ച നിമിഷമായിരുന്നു അത്. എന്നാലും ഒരിക്കല് പ്രേമിക്കാന് കഴിഞ്ഞതില് സന്തോഷമുണ്ടെന്നും നിത്യ പറയുന്നു.
ലിവിങ് ടുഗെതര് റിലേഷനെ കുറിച്ചാവട്ടെ തികച്ചും വ്യത്യസ്തമാണ്. ലിവിങ് ടുഗതറിനെപ്പറ്റി ശരിയാണോ തെറ്റാണോ എന്ന് പുറത്ത് നിന്ന് പറയുന്നതില് കാര്യമില്ലെന്നാണ് നിത്യയുടെ പക്ഷം. അധികം താമസിയാതെ ഇത് സാധാരണമാകുമെന്നും നടി പറഞ്ഞു.
കൂടെ അഭിനയിച്ചവരില് ആര്ക്കൊപ്പമാണ് എളുപ്പമായി തോന്നിയത് എന്ന ചോദ്യത്തിന് ആസിഫ് അലി എന്നായിരുന്നു നടിയുടെ ഉത്തരം. ആസിഫ് അലി എന്റെ ക്ലോസ് ഫ്രണ്ടാണ്. ഒപ്പം ഇപ്പോള് ദുല്ഖര് സല്മാനൊപ്പവും കംഫര്ട്ടബിളാണെന്ന് നിത്യ പറഞ്ഞു
എന്നാല് ഇപ്പോള് ഒറ്റയ്ക്ക് ജീവിക്കാനാണ് ആഗ്രഹമെന്ന് വിവാഹത്തെ സംബന്ധിച്ച ചോദ്യത്തോട് നിത്യ പ്രതികരിച്ചത്.. വിവാഹം കൊണ്ട് തനിക്കൊരി ഫിനാന്ഷ്യല് സെക്യൂരിറ്റി ആവശ്യമില്ല. ഇമോഷന് സെക്യൂരിറ്റിയും വേണ്ട.
ഒരു കുട്ടിയെ ഉണ്ടാക്കാന് കൊതിയുമില്ല. ഒറ്റയ്ക്ക് ഹാപ്പിയാണെന്നാണ് നിത്യ പറഞ്ഞത്. ആരെങ്കിലും വന്ന് ജീവിതം ഇതിലും ഹാപ്പിയാക്കുമെങ്കില് അപ്പോള് മാത്രം വിവാഹത്തെ കുറിച്ച് ചിന്തിക്കാം എന്നാണ് നിത്യ പറയുന്നത്. നല്ലവണ്ണം ആലോചിച്ചതിന് ശേഷമാത്രമേ വിവാഹത്തെ കുറിച്ച് ചിന്തിക്കുകയുള്ളൂ എന്നും നിത്യ പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha