പ്രേമം സിനിമയുടെ സെന്‍സര്‍ കോപ്പി ഇന്റര്‍നെറ്റിലൂടെ പ്രചരിപ്പിച്ചവര്‍ക്കെതിരെ നടപടിയെടുക്കാന്‍ പൊലീസ് വൈകിപ്പിക്കുന്നു. സെന്‍സര്‍കോപ്പി പ്രിയദര്‍ശന്റെ ചെന്നൈയിലെ ഫോര്‍ഫ്രെയിംസിലും തിരുവനന്തപുരത്തെ വിസ്മയ മാക്‌സിലുമാണ് കൊടുത്തിരുന്നത്. ഈ രണ്ട് ലാബുകള്‍ക്കെതിരെ അന്വേഷണം നടത്തുന്നില്ലെന്ന് നിര്‍മാതാവ് അന്‍വര്‍ റഷീദ് ആരോപിച്ചു. ഡിവൈ.എസ്.പി ഇക്ബാലിനാണ് അന്വേഷണ ചുമതല. പ്രതികളെ ഉടന്‍ പിടികൂടും എന്ന് പറയുന്നതല്ലാതെ യാതൊരു നടപടിയും എടുക്കുന്നില്ല. വിജയ് ചിത്രമായ പുലിയുടെ ടീസര്‍ നെറ്റിലിട്ട തിരുവനന്തപരും സ്വദേശിയെ മണിക്കൂറുകള്‍ക്കുള്ളിലാണ് തമിഴ്‌നാട് പൊലീസ് പിടികൂടിയത്. 

മലയാള സിനിമയുടെ എല്ലാ കളക്ഷന്‍ റെക്കോഡുകളും തിരുത്തി മുന്നേറുന്ന പ്രേമത്തെ തകര്‍ക്കാന്‍ സിനിമയില്‍ തന്നെയുള്ള ചിലര്‍ കളിച്ചെന്ന് വ്യക്തമാണ്. നിര്‍മാതാവായ അന്‍വര്‍ റഷീദ് ഫെഫ്കയ്ക്ക് പരാതി നല്‍കിയിരുന്നു. അവരും യാതൊരു നടപടിയും സ്വീകരിച്ചില്ല. മലപ്പുറത്തും തിരുവനന്തപുരത്തെ ബീമാപള്ളിയിലും പ്രേമത്തിന്റെ ഡി.വി.ഡി സൂലഫമാണെന്ന് അന്‍വര്‍ റഷീദ് പറഞ്ഞു. അന്വേഷണ സംഘം ആവശ്യപ്പെട്ട എല്ലാ തെളിവുകളും നിര്‍മാതാവ് നല്‍കിയിരുന്നു. ഉടന്‍ നടപടി ഉണ്ടാവുമെന്ന് പറയുന്നതല്ലാതെ ഒന്നും നടക്കുന്നില്ല. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha