ഷൂട്ടിംഗ് സമയത്ത് മോഹന്‍ലാല്‍ അക്ഷമനാകുന്നത് കണ്ടിട്ടില്ലെന്ന് ക്യാമറാമാനായ എസ്.കുമാര്‍. പകരം ക്യാമറാമാനെന്ന നിലയ്ക്ക് സര്‍വ്വസ്വാതന്ത്ര്യവും ലാല്‍ അനുവദിച്ചിരുന്നു. അപൂര്‍വ്വം സന്ദര്‍ഭങ്ങളില്‍ \'ഈ കുമാറിന് എന്തുപറ്റി\' എന്ന് ലാല്‍ ചോദിച്ചിട്ടുള്ളപ്പോഴെല്ലാം \'നിന്നെ സുന്ദരനാക്കാന്‍ വേണ്ടി അവന്‍ പാടുപെടുന്നതല്ലേ\' എന്നുപറഞ്ഞ് പ്രിയന്‍ അതിനെ മയപ്പെടുത്തിയിട്ടുണ്ട്. ഒരു ഷോട്ട് നന്നായില്ലെങ്കില്‍ \'ലാലു നമുക്ക് ഒന്നുകൂടി എടുക്കാമെന്ന്\' കുമാര്‍ പറയുമായിരുന്നു. അത് പ്രിയനോടും പറഞ്ഞിട്ടുണ്ട്. ഇപ്പോള്‍ ആലോചിക്കുമ്പോള്‍ അത്തരം സന്ദര്‍ഭങ്ങള്‍ ലാലിനെ അലോസരപ്പെടുത്തിയിട്ടുണ്ടാകുമോ എന്ന് സംശയിക്കുന്നതായി കുമാര്‍ പറഞ്ഞു. 
ലാലിന്റെ പ്രകടനം എന്റെ കണ്ണ് നനയിച്ചിട്ടുണ്ടെന്ന് എസ്.കുമാര്‍ പറഞ്ഞു. അത്തരം സന്ദര്‍ഭങ്ങള്‍ അനവധിയുണ്ടെങ്കിലും പെട്ടെന്ന് ഓര്‍മ്മ വരുന്നത് \'കിരീട\'ത്തിലെ ഒരു രംഗമാണ്. ജയിലിനകത്തിട്ട് ലാലിനെ മര്‍ദ്ദിച്ചവശനാക്കി തിലകന്‍ ചേട്ടന്‍ പുറത്തുവരികയാണ്. പിന്നീട് അദ്ദേഹം വരുന്നത് കയ്യിലൊരു പൊതിച്ചോറുമായാണ്. അത് മകന് വാരിക്കൊടുക്കുമ്പോള്‍ ചോദിക്കുന്നുണ്ട് \'മോന് വല്ലാതെ വേദനിച്ചോ എന്ന്.\' ആ സമയം അച്ഛനെ വിഷമിപ്പിക്കേണ്ട എന്നു കരുതി ലാലിന്റെ ചിരി കലര്‍ന്നിട്ടുള്ള സംസാരമുണ്ട്. സത്യത്തില്‍ എനിക്കത് കണ്ടുനില്‍ക്കാനായില്ല. ഹൃദയത്തെ കീറിമുറിച്ചുപോകുന്ന അനുഭവമായിരുന്നു. എന്റെ കരിയറില്‍ അത്തരമൊരു പ്രകടനം ഒരു ആക്ടറില്‍നിന്ന് കാണാനും കഴിഞ്ഞിട്ടില്ല എസ്.കുമാര്‍ പറഞ്ഞു.ലാല്‍ ഒരു ബോണ്‍ ആക്ടര്‍ ആണ്.

ഇതേ ഷോട്ടില്‍ മറ്റൊരു അത്ഭുതവും കണ്ടു. തിലകന്‍ ചേട്ടന്‍ പുറത്തുപോയതിനുശേഷവും ജയിലിനകത്തുള്ള മോഹന്‍ലാലിന്റെ ഇരുപ്പ് തുടര്‍ന്നു. അടുത്ത ഷോട്ടിന് ഇനിയും സമയമെടുക്കും. ലൈറ്റ് അപ്പ് ചെയ്യേണ്ടതുണ്ട്. പക്ഷേ മോഹന്‍ലാല്‍ അവിടുന്ന് അനങ്ങുന്ന മട്ടില്ല. മോഹന്‍ലാല്‍ ആ കഥാപാത്രത്തില്‍നിന്ന് മോചിതനായിട്ടില്ലായിരുന്നു. അദ്ദേഹത്തെ ഒരു ചെറിയശബ്ദം കൊണ്ടുപോലും ആരും തടസ്സപ്പെടുത്തരുതെന്ന് ആഗ്രഹിച്ചു. പിന്നെ കുമാര്‍ തന്നെയാണ് ജയിലിനകത്തെ ലൈറ്റ് അപ്പ് മുഴുവനും ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha