വാക്കുകൊണ്ടുപോലും നമുക്ക് ആരെയും നോവിക്കാന്‍ അവകാശമില്ലെന്നാണ് മോഹന്‍ലാല്‍ പറയുന്നതും ചെയ്യുന്നതും. ആരുടെയെങ്കിലും കുറ്റങ്ങളോ കുറവുകളോ ലാലിനോടു പറയുന്നതും അദ്ദേഹത്തിന് ഇഷ്ടമല്ല. അതുപോലെ മറ്റുള്ളവരെക്കുറിച്ച് മോശമായി എന്തെങ്കിലും പറയുന്ന ശീലവും ലാലിനില്ല. എന്നാല്‍ മണിയന്‍പിള്ള രാജുവിന്റെ കാര്യം അങ്ങനെയല്ല. ഓട്ടവായനെന്നാണ് സുകുമാരി ചേച്ചി മണിയന്‍പിള്ളയെ കുറിച്ച് പറഞ്ഞിട്ടുള്ളത്.
ഒരു കാര്യം ആരോടെങ്കിലും പറഞ്ഞിട്ട് ഇത് മറ്റൊരാള്‍ അറിയരുതെന്ന് പിള്ള പറയും. പക്ഷേ അവരെക്കാള്‍ മുമ്പേ ഈ വിവരം ലോകത്തോട് മുഴുവനുമായി മണിയന്‍പിള്ള വിളിച്ചുപറഞ്ഞിരിക്കും. ഈ ശീലം അറിയാവുന്നതുകൊണ്ടാണ് സുകുമാരി ചേച്ചി മണിയന്‍പിള്ളയെ ഓട്ടവായനെന്ന് വിശേഷിപ്പിച്ചിരുന്നത്. ഒരിക്കല്‍ മണിയന്‍പിള്ള ലാലിനെക്കുറിച്ച് എന്തോ മോശം പറഞ്ഞു. ആ വീട്ടുകാര്‍ അത് കൃത്യമായി ലാലിന്റെ അമ്മയെ വിളിച്ചുപറഞ്ഞു.
ലാലിന്റെ അമ്മ അത് ലാലിനെ വിളിച്ച് അറിയിച്ചു. അപ്പോള്‍ അമ്മയോട് മോഹന്‍ലാല്‍ പറഞ്ഞ മറുപടിയിതാണ്.\'അമ്മയ്ക്ക് കൊച്ചിലേ മുതലേ രാജുവിനെ അറിയാവുന്നതല്ലേ. അയാള്‍ അങ്ങനെയാണ്. ഒന്നും മനസ്സില്‍ വച്ചുകൊണ്ടല്ല പറയുന്നത്. ആരെ ഉപദ്രവിക്കണമെന്ന ഉദ്ദേശവും അയാള്‍ക്കില്ല. അതുകൊണ്ട് രാജുവിന്റെ കുറ്റം പറഞ്ഞ് അമ്മ എന്നെ വിളിക്കരുത്. ഇക്കാര്യം ലാലിന്റെ അമ്മതന്നെയാണ് മണിയന്‍പിള്ളയെ വിളിച്ചുപറഞ്ഞതും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha