നടി ലിസി മാവോയിസ്റ്റ് വേഷത്തിലെത്തുന്നു. മലയാളികളെ ഞെട്ടിച്ചാണ് ലിസിയുടെ തിരിച്ച് വരവ്. മാവോയിസ്റ്റ് കഥാപാത്രം ചെയ്താണ് ലിസി അഭിനയത്തിലേക്ക് തിരിച്ച് വന്നിരിക്കുന്നത്. ഓഗസ്റ്റ് 18ന് ലിസി മാവോയിസ്റ്റിന്റെ വേഷമിടും. ഇരുപത് വര്‍ഷങ്ങള്‍ക്ക് ശേഷമാണ് ലിസി വീണ്ടും സിനിമയിലേക്ക് തിരിച്ചെത്തുന്നത്.
തിലകരാജ് എന്ന നവാഗതനാണ് ചിത്രം സംവിധാനം ചെയ്യുന്നത്. വിപിന്‍ മോഹന്റെ ക്യാമറയിലൂടെയാണ് ലിസിയുടെ മടങ്ങിവരവ്. പ്രമുഖതാരങ്ങള്‍ക്കൊപ്പം പുതുമുഖങ്ങളും ചിത്രത്തിലുണ്ടെന്നാണ് റിപ്പോര്‍ട്ടുകള്‍.
ഈ ശബ്ദം എന്നാണ് സിനിമയ്ക്ക് പേരിട്ടിരിക്കുന്നതെങ്കിലും ഇതിന് മാറ്റമുണ്ടായേക്കാമെന്നാണ് ഇപ്പോള്‍ അറിയുന്നത്. എണ്‍പതുകളില്‍ മലയാളം, തമിഴ്, തെലുങ്ക് ഭാഷകളില്‍ നിറഞ്ഞുനിന്ന നായിക സംവിധായകന്‍ പ്രിയദര്‍ശനമായുള്ള വിവാഹത്തോടെയാണ് ലിസി സിനിമ വിട്ടത്.
ഈ ബന്ധം പോയവര്‍ഷം തകര്‍ന്നതോടെ ലിസിയുടെ സിനിമയിലേക്കുള്ള രണ്ടാംവരവ് സജീവചര്‍ച്ചയായിരുന്നു. കഥാപാത്രത്തിന്റെ പ്രത്യേകതകള്‍കൊണ്ടാണ് ലിസി മാവോയിസ്റ്റാകാന്‍ സമ്മതംമൂളിയതെന്നാണ് അറിയുന്നത്. കണ്ണൂരാണ് പ്രധാനമായി ചിത്രീകരണം നടക്കുക. മോഹന്‍ സിത്താരയാണ് സംഗീതം നിര്‍വ്വഹിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha