പ്രേമത്തിന്റെ തെലുങ്ക് റീമേക്കില്‍ അഭിനയിക്കാന്‍ മലയാളത്തില്‍ നിന്നും അനുപമ പരമേശ്വരന്‍ മാത്രം തിരഞ്ഞെടുക്കപ്പെട്ടു. ചിത്രത്തിലെ മലരായി താരം പ്രണിതീ ചോപ്ര അഭിനയിക്കുമെന്നാണ് അറിയുന്നത്. മലയാള പ്രേമത്തിലുള്ള മറ്റാരും തന്നെ തെലുങ്ക് പ്രേമത്തില്‍ ഇടം പിടിക്കാന്‍ സാധ്യതയില്ലെന്നാണ് വിവരം.

അനുപമയുടെ കാര്യത്തില്‍ സംവിധായകന് നൂറ് നാവാണ്. അനുപമയിലെ മലയാളിപെണ്‍കുട്ടിയെ തങ്ങള്‍ തെലുങ്കിലാക്കി മാറ്റും എന്നാണ് സംവിധായകര്‍ പറയുന്നത്. പ്രേമത്തിലെ അധ്യാപികയായി ഒരു തമിഴ് ചലച്ചിത്രതാരത്തെയാണ് പരിഗണിക്കുന്നത്. ദിശ പട്ടാണിയെയാണ് മൂന്നാമത്തെ നായികയായി സംവിധായകര്‍ ആലോചിക്കുന്നത്.
നിവിന്‍ പോളിയുടെ നായകകഥാപാത്രത്തെ നാഗാര്‍ജുനയുടെ മകന്‍ നാഗാ ചൈതന്യ അഭിനയിക്കും. പതിനഞ്ച് വര്‍ഷം മൂന്ന് പെണ്‍കുട്ടിയുമായി അടുപ്പത്തിലാകുന്ന ഒരു ചെറുപ്പക്കാരന്റെ കഥയാണ് പ്രേമം പറയുന്നത്. അത്തരമൊരു വേഷം നാഗാചൈതന്യയുടെ കൈയ്യില്‍ സുരക്ഷിതമായിരിക്കുമെന്നാണ് സംവിധായകന്റെ വിശ്വാസം. മേരിയായി മാറിയ അനുപമ മാത്രം തെലുങ്കിലേക്ക് തിരഞ്ഞെടുത്തതിന് പിന്നിലെ കഥയും സംവിധായകന്‍ പറഞ്ഞു. മലയാള തമിഴ് സിനിമകള്‍ പോലെയല്ല തെലുങ്ക് ചിത്രങ്ങല്‍. 
കഥയില്‍ മാത്രമല്ല കഥാപാത്രഘടനയിലും അഭിനയിക്കുന്ന താരങ്ങളുടെ കാര്യത്തിലും തെലുങ്കര്‍ ജാഗരൂകരാണ്. എന്തെങ്കിലും കാട്ടികൂട്ടിയാല്‍ തെലുങ്കില്‍ സിനിമ വിജയിക്കുകയില്ല. അതിനാല്‍ വളരെയധികം ശ്രദ്ധയോടെയാണ് ഞങ്ങള്‍ സിനിമകള്‍ തിരഞ്ഞെടുക്കുന്നത്. പ്രേമത്തിന്റെ ഒറിജിനല്‍ കണ്ടപ്പോള്‍ തന്നെ അനുപമയെ ഞങ്ങള്‍ക്ക് ഇഷ്‌പ്പെട്ടിരുന്നു. നാഗാചൈതന്യയുടെ പെയര്‍ ആകാനുള്ള എല്ലായോഗ്യതയും അനുപമ പരമേശ്വരനുണ്ട്. എതായാലും മലയാളത്തിലെ മലയാള പ്രേമമല്ല തെലുങ്കിലെ പ്രേമമെന്ന് സംവിധായകന്‍ ഉറപ്പിച്ചു പറയുന്നു. രണ്ടും രണ്ടുതരത്തിലുള്ള സിനിമയായിരിക്കും. ഒരു ബന്ധവും കാണാത്ത തരത്തിലുള്ള റീമേക്കായിരിക്കും തെലുങ്കിലെ പ്രേമം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha