മലയാള സീരിയലുകളിൽ റേറ്റിംഗിൽ മുന്നിൽ നിൽക്കുന്ന സീരിയലാണ് കുടുംബവിളക്ക്. പക്ഷെ.. ഇപ്പോഴത്തെ പോക്കനുസരിച്ച് സീരിയൽ വീണ്ടും താഴോട്ടുപോകാനുള്ള സാധ്യതയുണ്ട്. സുമിത്രയുടെ ഉയർച്ചകളും, വേദിക പ്രശ്നങ്ങളിലേക്ക് പോകുന്നതുമാണ് പ്രേക്ഷകർക്ക് കാണേണ്ടത്. ഇങ്ങനെ, പ്രശ്നത്തിലാക്കുന്ന കഥാ സന്ദര്ഭങ്ങളുമായി പോകുകയാണെങ്കിൽ ആരാധകർ ശക്തമായി തന്നെ പ്രതികരിക്കും. കഴിഞ്ഞ ജനറൽ പ്രൊമോയിലെ കമെന്റുകളിൽ ഇതെല്ലം വ്യക്തമായി കാണാൻ കഴിയുന്നുണ്ട്.

ഇന്നത്തെ എപ്പിസോഡിലേക്ക് കടക്കുകയാണെങ്കിൽ, ചക്കിന് വെച്ചത് കൊക്കിന് കൊണ്ടെന്നു തന്നെ പറയാം. മഹേന്ദ്രൻ വേദികയ്ക്കിട്ടൊരു പണികൊടുക്കാൻ നോക്കുന്നതാണ്, പക്ഷെ, ആളുമാറി പൂട്ടിലാകുന്നത് സുമിത്രയും. അത്, എങ്ങനെയാണെന്നും ആ വിശ്വരൂപത്തിന്റെ എൻട്രി എങ്ങനെയാണെന്നുമൊക്കെ ഇന്നത്തെ എപ്പിസോഡിൽ കാണാൻ കഴിയും.

ദുബായിലേക്ക് സുമിത്ര പോകുന്നത് തടയണം, അതിനുവേണ്ടി ഇന്ദ്രജയുമായി ചേർന്ന് പുതിയ പദ്ധതികൾക്ക് തുടക്കമിടുകയാണ്. അതിനെ എങ്ങനെയെങ്കിലും തകർക്കാനുള്ള പ്ലാനുകളുമായാണ് സിദ്ധുവും ബാക്കിയുള്ള എല്ലാവരുമെത്തും, അപ്പോൾ വേദികയുടെ കാര്യത്തിനും തീരുമാനമാകും.

പുതിയ വാടക കൊലയാളിയുടെ യഥാർത്ഥ ഉദ്ദേശം അറിയുമ്പോൾ, സുമിത്ര പൂർണമായും തകരുകയാണ്. എല്ലാവരുടെയും ആഗ്രഹത്തെ തുടർന്ന് ജീവിതത്തിലെ പുതിയ ലക്ഷ്യത്തിലേക്ക് പോകാനായി ഒരുങ്ങുമ്പോഴാണ്, എല്ലാം തകർക്കാനായിട്ട് അവനെത്തുന്നത്. ഏതായാലും... ഈ ഊരാക്കുടുക്കിൽ നിന്നും സുമിത്ര രക്ഷപ്പെടും എന്നുള്ള കാര്യം ഉറപ്പാണ്. അത്, എങ്ങനെയാണെന്നൊക്കെ വരുന്ന എപ്പിസോഡുകളിൽ നമുക്ക് കാണാം.

ഇന്ന്, പുതിയ അവതാരപ്പിറവിയുടെ ലക്‌ഷ്യം എന്താണെന്നും താൻ അറിയാതെ എങ്ങനെയാണ് കുരുക്കിലാകുന്നതെന്നുമൊക്കെ കാണാൻ കഴിയും. ഇനി സമാധാനം മുഴുവനും നഷ്ടപ്പെടുന്നത് രോഹിതിനാണ്. വർഷങ്ങൾ നീണ്ട കാത്തിരിപ്പിനൊടുവിൽ തന്റെ പ്രണയം പറയാൻ പോകുമ്പോൾ വിനയായി പുതിയ പണികളെത്തുകയാണ്.

എല്ലാവരും, പ്രതീക്ഷിച്ചത് ശീതളിനെ ചുറ്റിപ്പറ്റിയാണ് ഇനി കഥ മുന്നോട്ട് പോകുന്നതെന്നാണ്. എന്നാൽ, ഈ വില്ലൻ പരിവേഷം സുമിത്രയ്ക്ക് വേണ്ടിയാണ്. അതേസമയം, സുമിത്ര കുരുക്കിലായെന്നറിയുമ്പോൾ തുള്ളിച്ചാടുന്ന ഒരാളുണ്ട്.. സരസു, അന്ന് ആധാരം എടുത്തു കൊടുക്കുമ്പോൾ എന്തൊക്കെ ആയിരുന്നു. പക്ഷെ, ഇപ്പോൾ ശ്രീനിലയത്തിലെ എല്ലാവരുടെയും ആഗ്രഹങ്ങൾ വെള്ളത്തിലാകാൻ പോകുന്നു എന്നറിഞ്ഞതോടെ സരസുവിന് സന്തോഷമായി.

ഇനി സരസു ഇതിനിടയിൽ കിടന്ന് എന്തൊക്കെയാണ് ഒപ്പിക്കുന്നതെന്ന് കാത്തിരുന്ന നിങ്ങൾ കാണുന്നതാണ് നല്ലത്. പിന്നെ, എല്ലാ നെഗറ്റീവ് കഥാപാത്രങ്ങളും കൂടി ഒരുമിച്ച് സുമിത്രയെ വിഷമത്തിലാക്കുകയാണ്. ഇത് പ്രേക്ഷകർക്ക് ദഹിക്കില്ലെന്നറിയാം, സകല കഷ്ടപ്പാടുകളിൽ നിന്നും സുമിത്ര പെട്ടെന്ന് തന്നെ രക്ഷപ്പെടും.