സാന്ത്വനത്തിൽ ഈ ആഴ്ചയോടുകൂടി ലച്ചു അപ്പച്ചിയുടെ സീനുകൾ അവസാനിക്കുമെന്ന വിശ്വാസത്തിൽ എല്ലാവരും കാത്തിരിക്കുകയാണ്, ഇന്നലത്തെ ഒരൊറ്റ എപ്പിസോഡ് കണ്ടപ്പോൾ തന്നെ മനസിലായി, ലച്ചു അപ്പച്ചിയുടെ സാഹസികതകൾ ഈ ആഴ്ചയിലൊന്നും അവസാനിക്കില്ലെന്ന്. അപ്പു ചിന്തിച്ച് പ്രവൃത്തിച്ചാൽ തീരാവുന്ന പ്രശ്നമാണ് ഇപ്പോൾ സാന്ത്വനത്തിലുള്ളത്. പക്ഷെ, സ്വന്തമായി ഒരു അഭിപ്രായവും പറയാതെ, തന്റെ മേൽ എല്ലാവരുംഅടിച്ചേൽപ്പിക്കുന്ന കാര്യങ്ങൾ അതുപോലെ ചെയ്യുകയാണ് അപ്പു.

ഇനി വരുന്ന എപ്പിസോഡുകളിലാണ്, അപ്പു ലച്ചു അപ്പച്ചിയുടെ താളത്തിനനുസരിച്ച് പ്രവൃത്തിക്കുന്നത് കാണാൻ പോകുന്നത്. ലച്ചു പാചകം നടത്തിയതും അപ്പുവിന് മാത്രം കൊണ്ട് പോയി മുറിയിൽ കൊടുത്തതൊന്നും ഹരിയ്ക്ക് ഇഷ്ട്ടമായിട്ടില്ല. അതിനുള്ള കലക്കൻ മറുപടികൾ ഇന്ന് കൊടുക്കുന്നുണ്ട്.

ലച്ചുവിനെയും... ആ ഗ്യാസ് അടുപ്പിനെയും ഹരി മുറ്റത്തേയ്ക്ക് ഉടൻ തന്നെ എടുത്തെറിയുമെന്നാണ് തോന്നുന്നത്.

"സാന്ത്വനം വീട്ടിലുള്ളവരെ ഇനിമുതൽ അപ്പു സ്നേഹിക്കണമെന്ന് നിർബന്ധമില്ല. ദയവു ചെയ്ത് ആരെയും ഉപദ്രവിക്കരുത്."

എന്നാണ് ഹരിയുടെ വാദം. ഹരിയുടെ, വാക്കുകൾ കേട്ടെങ്കിലും ലച്ചുവിനോട്, സാന്ത്വനം വീട്ടിൽ ഇനിയും നിൽക്കുകയാണെങ്കിൽ.. പ്രശ്നനങ്ങൾ ഒന്നും ഉണ്ടാക്കരുത്... അല്ലെങ്കിൽ ഇവിടെ നിന്നും പോകണമെന്ന് അപ്പു പറഞ്ഞാൽ കൊള്ളാമായിരുന്നു.

പിന്നെ, തമ്പിയും സഹോദരിയും കൂടി പ്ലാനും പദ്ധതിയുമെല്ലാം മുൻകൂട്ടി തയ്യാറാക്കിയതുപോലെയാണ് ലച്ചു പ്രവൃത്തിക്കുന്നതെന്ന്, ബാലൻ പറയുന്നുണ്ട്. അതിനെ ശെരിവെക്കുന്നൊരു മറുപടിയാണ് ദേവിയും കൊടുക്കുന്നത്. എന്നിട്ടും എനിക്ക് മനസിലാകാത്ത കാര്യം, ഇവരിങ്ങനെ ഒന്നും മനസിലാകാത്തതുപോലെ ലച്ചുവിന്റെ മുന്നിൽ പ്രവൃത്തിക്കുന്നത് എന്തിനാണ്? ദേവി ലച്ചുവിനോട് തുറന്നങ്ങു പറയണം. അല്ലാതെ, അയ്യോ... പാവമായിട്ടിരുന്നാൽ പണികളത്രയും വാങ്ങാൻ മാത്രമേ കഴിയൂ.

ഇതൊക്കെയും നടക്കുമ്പോൾ, ഇന്നലെ കണ്ണനുമായി ഗൂഢാലോചന നടത്തിയതിന്റെ ബാക്കി പദ്ധതികൾ ആവിഷ്കരിക്കാനുള്ള ശ്രമത്തിലാണ് അഞ്ജു. ലച്ചുവിനെ പുറത്ത് ചാടിക്കാൻ ശിവന് കുറച്ച് ഐഡിയകളൊക്കെ പറഞ്ഞു കൊടുക്കുന്നുണ്ട്. ഭാര്യയുടെ തന്ത്രപരമായ ഐഡിയ കേട്ട് ഒന്നും മിണ്ടാനാകാതെ അന്തം വിട്ടു നിൽക്കുകയാണ് ശിവൻ.

ഏതായാലും ഇന്നത്തെ എപ്പിസോഡിലെ താരം അഞ്ചു തന്നെയാണ്. ഇനി സാന്ത്വനം വീട്ടിൽ എന്തെങ്കിലും മാറ്റം സംഭവിക്കണമെങ്കിലും ലക്ഷ്മിയമ്മ അല്ലെങ്കിൽ അഞ്ചു വിചാരിക്കണം, ബാക്കിയുള്ളവരൊക്കെയും വാ മൂടികെട്ടിയിരിക്കുകയാണല്ലോ...

പിന്നെ, ഇവരുടെ രണ്ടുപേരുടെയും കൂട്ടിന് പ്രത്യക്ഷത്തിൽ അല്ലെങ്കിലും പരോക്ഷത്തിൽ കണ്ണൻ കൂടി കാണും. എല്ലാവരും നിൽക്കുമ്പോൾ, കണ്ണൻ എന്തെങ്കിലും സംസാരിച്ചാൽ, മുതിർന്നവർ സംസാരിക്കുമ്പോൾ കണ്ണൻ മിണ്ടല്ലെന്നല്ലേ, എല്ലാവരിൽ നിന്നും വരുന്ന ഓർഡർ.

ഇന്നലേ ലച്ചുവിനെ പുകച്ചു പുറത്തു ചാടിക്കാൻ കണ്ണനും അഞ്ജുവും കൂടി നടത്തിയ ചർച്ച അടിപൊളി ആയിരുന്നു. പക്ഷെ, കണ്ണന്റെ പദ്ധതികളെല്ലാം കുറച്ചധികം പഴയതായി പോയി എന്നാണ് എനിക്ക് തോന്നിയത്. അതെല്ലാം ഇന്നലെ അഞ്ജുവും പറഞ്ഞിരുന്നു. ഇതെല്ലം കഴിഞ്ഞിട്ട് അഞ്ചു ഇന്ന് ശിവനോട് കുറച്ച് പദ്ധതികൾ പറയുന്നുണ്ട്.. അത് കേട്ടാൽ ചിരിയായിരിക്കും വരുന്നത്. ഇന്നലത്തെ എപ്പിസോഡിലെ കിടിലൻ കോംബോ ആയിരുന്നതും കണ്ണനും അഞ്ജുവും തന്നെയാണ്.

പിന്നെ, അപ്പു കഴിക്കാൻ വിസമ്മതിച്ചപ്പോൾ അപ്പച്ചി ഡാഡിയെ വിളിക്കട്ടെന്ന് ചോക്കുന്നുണ്ടായിരുന്നു, എനിക്കപ്പോൾ ഓർമ വന്നത് കൊച്ചുകുട്ടികൾ food കഴിക്കാൻ വേണ്ടി അമ്മമാർ ഉമ്മാക്കിയേ വിളിച്ചു പേടിപ്പിക്കുന്നതാണ്. എന്നിട്ട് അവസാനം തമ്പിയുടെ ഒരു ഡയലോഗും.

"ഇനി അപ്പു ആഹാരം കഴിച്ചോളുമെന്ന്..."

ഉള്ളതുപറഞ്ഞാൽ, ഒരു കുടുംബം എങ്ങനെ തകർക്കാം എന്ന് മാത്രം ചിന്തിക്കുന്നവർ ആണ് അപ്പുവിന്റെ അപ്പച്ചിയും, ഡാഡിയും. ഒരുമിച്ചിരുന്നു ഭക്ഷണം കഴിച്ചില്ലേൽ എന്താ ഇറങ്ങില്ലേ എന്ന് ചോദിക്കുന്ന അപ്പച്ചി.ഇങ്ങനെ ഉള്ള സ്ത്രീ യഥാർത്ഥ ജീവിതത്തിൽ കാണാൻ കഴിയും.....!!! പണം, പൊങ്ങച്ചം അങ്ങനെ ഉള്ള ആളുകൾ ഉണ്ട്. മറ്റുള്ളവരെ കൊച്ചക്കുന്ന സ്വഭാവം. പഴഞ്ചൻ രീതികളൊക്ക പുച്ഛിച്ചു തള്ളുന്നവർ... അവർക്ക് കുടുംബം എന്ന വാക്കിന്റെ അർത്ഥം അറിയില്ല അതായിരിക്കാം അങ്ങനെ പെരുമാറുന്നത്. അതൊക്കെ ഒന്ന് മനസിലാക്കാൻ വേണ്ടി അഞ്ചു കുറച്ചു വേദോപദേശങ്ങളൊക്കെ നടത്തുന്നുണ്ട്. അതെല്ലാം വെറുതെ ആണെന്ന് ലച്ചുവിന്റെ പ്രവൃത്തിയിൽ നിന്ന് തന്നെ വ്യക്തമല്ലേ...

ഹരി, ഇന്നലെ തന്നെ എല്ലാ കാര്യത്തിനുമൊരു തീരുമാനം ഉണ്ടാക്കുമായിരുന്നു. അപ്പോഴല്ലേ.. ബാലന്റെ ഉപദേശങ്ങൾ,

"ഹരി, ആഹാരത്തിന് മുന്നിൽ നിന്നും എഴുനേറ്റു പോകരുത്.. ഒറ്റയ്ക്കിരുന്ന് ഭക്ഷണം കഴിച്ചതിനെ കുറിച്ചൊക്കെ പിന്നീട് ചോദിക്കാമെന്ന്."

എന്റെ, ബാലേട്ടാ... ഹരിയെ അവന്റെ ഇഷ്ടത്തിന് വിടൂ.. അയാളുടെ ഭാര്യയോട് സംസാരിക്കാനും. പ്രശ്നങ്ങൾ പരിഹരിക്കാനും അയാൾക്ക് ഇഷ്ട്ടമുള്ള സമയത്തിനു പോകട്ടെ... ഹരി എന്തുകാര്യത്തിന് ഇറങ്ങി തിരിച്ചാലും കേൾക്കുന്നതാണ് ഇപ്പോൾ കടയിൽ പോകാം. അല്ലെങ്കിൽ ഭക്ഷണം കഴിക്കാം. ഇതിൽ നിന്നും ഒരു മോചനമില്ലേ...

ഇന്നത്തെ എപ്പിസോഡിൽ ഹരി അപ്പുവിനോട്, നന്നായിട്ടു തന്നെ സംസാരിക്കുന്നുണ്ട്. അപ്പോഴെങ്കിലും രണ്ടു സൈഡിൽ നിൽക്കാതെ ശെരി ഏതാണെന്ന് ചിന്തിച്ചു പ്രവൃത്തിച്ചാൽ മതിയായിരുന്നു.