പ്രേക്ഷകരുടെ താല്പര്യാനുസരണം സീരിയൽ മുന്നോട്ട് പോകാതെ വന്നതോടെ നിരവധി മൗനരാഗം ആരാധകർ പരമ്പരയെ കുറ്റപ്പെടുത്താൻ തുടങ്ങിയിരുന്നു. ഇതിനുള്ള പ്രധാനകാരണം പൂർണതയില്ലാത്ത ട്വിസ്റ്റുകളാണ്. ഒന്ന് പരിശോധിച്ചു നോക്കിയാൽ, കല്യാണിയുടെ കല്യാണം, ശബ്ദം തിരിച്ചു കിട്ടുന്നത്, വൈകല്യങ്ങളോടുള്ള രൂപയുടെ വെറുപ്പ്, സി എസുമായിട്ടുള്ള പ്രശ്നങ്ങൾ അങ്ങനെ ചുരുളഴിയാത്തതും പൂർത്തിയാകാത്തതുമായ നിരവധി ട്വിസ്റ്റുകളാണ് സീരിയലിലുള്ളത്. പക്ഷെ, ഇപ്പോൾ സി എസിന്റെ കല്യാണ പ്ലാൻ ഒട്ടുമിക്കപേർക്കും ഇഷ്ട്ടപെട്ടു തുടങ്ങിയിട്ടുണ്ട്. ഇതിന്റെ അന്ത്യത്തിൽ കിരണും കല്യാണിയും തമ്മിലുള്ള വിവാഹം നടക്കുമോ ഇല്ലയോ എന്ന സംശയത്തിലാണ് ആരാധകർ

ഇന്നലെ, വിവാഹ തിയതി കൈമാറിയപ്പോൾ എല്ലാ പ്രേക്ഷകർക്കും കുറച്ചെങ്കിലും സന്തോഷമായികാണും. പക്ഷെ, ആ സന്തോഷത്തെ പെട്ടെന്ന് തന്നെ കെടുത്താനുള്ള നീക്കമാണ് അടുത്ത് കാണാൻ പോകുന്നത്. സ്വര്ണമെല്ലാം കണ്ടതോടെ മൂങ്ങയുടെ കണ്ണുതള്ളി, പിന്നെ ആ സ്വർണം എങ്ങനെയെങ്കിലും കൈക്കുള്ളിൽ ആക്കേണ്ടയോ?? അതിനുവേണ്ടി സ്വർണം കൊണ്ട് വിറ്റ് കല്യാണം നടത്താനുള്ള പൈസ പ്രാകാശന് കൊടുക്കണമെന്നാണ് മുത്തശ്ശി പറഞ്ഞത്. ഈ അമ്മയും മോളും ഇടയ്ക്കിടയ്ക്ക് ഭയങ്കര ബോൾഡായിട്ട് പ്രവൃത്തിക്കുമെങ്കിലും ചില നേരത്ത് മുത്തശ്ശിയും അച്ഛനും പറയുന്നത് അതുപോലെ ചെയ്യും. എന്നിട്ട് പണികൾ വാങ്ങിച്ചുകൂട്ടും.

സ്വർണം പണയം വെക്കാൻ പോകുമ്പോഴാണ്, സരയുവിന്റെ കള്ളത്തരങ്ങൾ പുറത്താകുന്നത്. പക്ഷെ, പൂട്ട് വീഴാൻ പോകുന്നത് കല്യാണിയ്ക്കും ദീപയ്ക്കുമാണ്. ഇന്നല്ലെങ്കിൽ നാളെ, ആ പെരുങ്കളിയിയെയും അറസ്റ്റ് ചെയ്യുമെന്നുള്ള കാര്യം ഉറപ്പാണ്. അത്, എങ്ങനെയാണെന്നൊക്കെ നമുക്ക് കാത്തിരുന്ന കാണാനേ പറ്റു. പിന്നെ, കല്യാണിയെ പൊലീസ് പിടിച്ചാൽ പ്രിയകാമുകൻ കിരൺ വെറുതെ ഇരിക്കില്ലലോ... ഇന്നത്തെ എപിസോഡിയൽ കിരണിന്റെ രഹസ്യ നീക്കങ്ങളൊക്കെയുണ്ട്. അത്, എങ്ങനെയാണെന്നൊക്കെ ഇന്നറിയാം.

ഇന്നലത്തെ എപ്പിസോഡ് പറയാതിരിക്കാൻ വയ്യ, കല്യാണി സിംപിൾ ലുക്കിൽ സാരിയുടുത്തുള്ള വരവ്.. എന്റെ, പൊന്നോ.. എന്തൊരു ഭംഗി ആയിരുന്നു. അത്, പറയാതിരിക്കാൻ വയ്യ. ആരായാലുമൊന്ന് നോക്കി പോകും. ഇത്രയും ലുക്ക് ഉണ്ടായിരുന്നിട്ടാണോ... അന്ന് ശാരി പറഞ്ഞത്, സരയുവിന്റെ അത്ര ലുക്കൊന്നും കല്യാണിയ്ക്കില്ലെന്ന്. ചിലപ്പോൾ അസൂയ കൊണ്ടാകുമല്ലേ....

വിവാഹ തിയതൊയൊക്കെ ഇന്നലെ സി എസ് തന്നെ പുറത്തു വിട്ടിരുന്നു. ഏപ്രിൽ പതിനഞ്ചിനാണ് ഡേറ്റ് ഇട്ടിരിക്കുന്നത്. ഇനി അന്ന് തന്നെയാകുമോ.. കല്യാണം അതോ, അതും കഴിയുമോ... എന്നുള്ളതൊക്കെ റൈറ്റർ സാറിന് മാത്രമേ അറിയൂ.

അതിനിടയ്ക്കും മൂങ്ങയുടെയും രതീഷിന്റെയും സ്വർണ കൊതിയും, എല്ലാത്തിനുംകൂടി ചേർത്ത് സി എസ് നൽകുന്ന മറുപടിയുമൊക്കെ എല്ലാ വർക്കും ഇഷ്ട്ടപെട്ടുകാണും. പിന്നെ, എല്ലാം കഴിഞ്ഞിട്ടുള്ള ബൈജുവിന്റെ ഫോട്ടോ പിടുത്തം ഇടയ്ക്കൊന്ന്, പ്രാകാശനിട്ട് രണ്ടു പറയാൻ കിട്ടുന്ന അവസരങ്ങളൊന്നും ബൈജു പാഴാക്കാതെ ഉപയോഗിക്കുന്നതുകൊണ്ട് കാര്യങ്ങൾ കെങ്കേമം.

ഏതായാലും കുറേനാൾ കാത്തിരുന്ന വിവാഹ നിശ്ചയം കഴിഞ്ഞു, ഇനി ഏപ്രിൽ പതിനഞ്ചക്കാൻ വേണ്ടി വർഷങ്ങൾ കാത്തിരിക്കേണ്ട അവസ്ഥ ഒരിക്കലും ഉണ്ടാകരുത്. ഇപ്പോൾ, കല്യാണം നടത്തിയില്ലെങ്കിൽ മൗനരാഗം സീരിയൽ വലിയൊരു പരാജയത്തിലേക്ക് ആയിരിക്കും പോകുന്നത്, ഏതായാലും അങ്ങനെയൊന്നും സംഭവിക്കാതെ, മൗനരാഗത്തിന് നല്ലൊരു ക്‌ളൈമാക്‌സ് തന്നെയുണ്ടാകട്ടെ. പിന്നെ, ഇന്നലത്തെ എപ്പിസോഡിൽ സ്വർണം കണ്ടപ്പോഴുള്ള മുത്തശ്ശിയുടെ ആർത്തിയോടുകൂടിയുള്ള നോട്ടവും സംസാരവുമൊക്കെ കുറച്ചു ഓവറായി പോയെന്നു തോനി. ആ ഒരൊറ്റ കാര്യം ഒഴിച്ചുവെച്ചാൽ ഇന്നലത്തെ മൗനരാഗം അടിപൊളിയായിരുന്നു.