മണിയെ അനുസ്മരിച്ച ചടങ്ങില്‍നിന്ന് വിനയനെ ഒഴിവാക്കിയത് മോഹന്‍ലായിരുന്നുവെന്ന് ബൈജു കൊട്ടാരക്കര.കലാഭവന്‍ മണിയെ അനുസ്മരിക്കുന്നതിന് സിനിമയിലെ സഹപ്രവര്‍ത്തകര്‍ ചാലക്കുടിയില്‍ സംഘടിപ്പിച്ച ചടങ്ങില്‍നിന്നും സംവിധായകന്‍ വിനയനെ ഒഴിവാക്കിയത് നടന്‍ മോഹന്‍ലാലെന്ന് സംവിധായകനും മാക്ട ഫെഡറേഷന്‍ പ്രസിഡന്റുമായ ബൈജു കൊട്ടാരക്കര. വിനയന്‍ പങ്കെടുക്കുകയാണെങ്കില്‍ താന്‍ വരില്ലെന്ന് ഒരു പ്രമുഖ ഗായകനെ സാക്ഷിയാക്കിയാണ് മോഹന്‍ലാല്‍ പറഞ്ഞതെന്നും ബൈജു കൊട്ടാരക്കര പറഞ്ഞതായിട്ടാണ് റിപ്പോര്‍ട്ട്.
എന്നാല്‍ ആരും വന്ന വഴി മറക്കരുതെന്ന് വിനയന്‍ പറഞ്ഞു. ചടങ്ങിലേക്ക് തന്നെ ക്ഷണിച്ചിരുന്നില്ലെന്ന് വിനയന്‍ കഴിഞ്ഞ ദിവസം പ്രതികരിച്ചിരുന്നു. തന്നെ ക്ഷണിക്കാന്‍ പദ്ധതിയിട്ടിരുന്നു. എന്നാല്‍ ഒരു സൂപ്പര്‍ താരം ഇടപെട്ട് ഇത് തടയുകയായിരുന്നു എന്നും അദ്ദേഹം ആരോപിച്ചിരുന്നു. ഇതിന് പിന്നാലെയാണ് ബൈജു കൊട്ടാരക്കരയുടെ വെളിപ്പെടുത്തല്‍
മണി അഭിനയിച്ച ഒരു ചിത്രം പോലും ഒരുക്കാത്ത സംവിധായകനും മുന്‍നിരയില്‍ ഇരിപ്പിടം ലഭിച്ചു. മാധ്യമ പ്രവര്‍ത്തകയെ അധിക്ഷേപിച്ച ഇദ്ദേഹത്തിനുപോലും ഇടം കിട്ടിയ വേദിയിലാണ് മണിയെവെച്ച് 13 ചിത്രങ്ങളൊരുക്കിയ സംവിധായകനെ ഒഴിവാക്കിയത്. വ്യക്തി വൈരാഗ്യം തീര്‍ക്കാന്‍ ഇടപെടല്‍ നടത്തിയ സൂപ്പര്‍ താരം മാപ്പ് പറയണമെന്നും ബൈജു കൊട്ടാരക്കര ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha