മലയാളത്തിന്റെ പ്രിയ നടന്‍ കലാഭവന്‍ മണിയെ ചതിച്ചതാര്?. കൂടെ നിന്ന സുഹൃത്തുക്കള്‍ പണത്തിന് വേണ്ടിയാണോ കലാഭവന്‍ മണിയെ ചതിച്ചത്. അടുത്ത സുഹൃത്തുക്കള്‍ മണിയ്ക്ക് മദ്യത്തില്‍ വിഷം നല്‍കിയാതാണോ. കലാഭവന്‍ മണിയുടെ മരണത്തില്‍ ദുരൂഹത കൂടുകയാണ്. കലാഭവന്‍ മണി ഒരിക്കലും ആത്മഹത്യ ചെയ്യില്ലെന്ന് മണിയുടെ ഭാര്യ നിമ്മി പറയുന്നത്. മണിയുടെ മരണത്തെക്കുറിച്ചുള്ള ദുരൂഹതകളും സംശയങ്ങളും ശക്തമാകുന്നതിനിടെ ഇതാദ്യമായാണ് നിമ്മി പരസ്യമായി പ്രതികരിക്കുന്നത്. മണിക്ക് കരള്‍രോഗമുള്ളതായി തനിക്കറിയില്ലായിരുന്നുവെന്നും തന്നോട് അതെക്കുറിച്ച് മണി പറഞ്ഞിട്ടില്ലെന്നും നിമ്മി പറയുന്നു. മണി ബിയര്‍ മാത്രമേ കഴിക്കാറുള്ളുവെന്നാണ് നിമ്മി പറയുന്നത്.

ഒരിക്കല്‍ മഞ്ഞപ്പിത്തം വന്നശേഷം മദ്യപാനം നിര്‍ത്തിയെന്നാണ് തന്നോട് പറഞ്ഞിരുന്നതെന്നും നിമ്മി കൂട്ടിച്ചേര്‍ത്തു.സുഹൃത്തുക്കള്‍ മദ്യം നല്‍കുന്നതില്‍ തങ്ങളെല്ലാം എതിര്‍പ്പ് പ്രകടിപ്പിച്ചിരുന്നു. തങ്ങളുടെ കുടുംബബന്ധത്തില്‍ പ്രശ്്‌നങ്ങളുണ്ടായിരുന്നില്ല. പരിസരവാസികളോടോ ബന്ധുക്കളോടോ അന്വേഷിച്ചാല്‍ ഇക്കാര്യം വ്യക്തമാകും. മണിക്ക് ശത്രുക്കളുണേ്ടായെന്ന് അറിയില്ലെന്നും കുടുംബാംഗങ്ങളെല്ലാം വിലക്കിയിട്ടും സുഹൃത്തുക്കള്‍ മണിക്ക് മദ്യം നല്‍കിയിരുന്നതായും നിമ്മി വെളിപ്പെടുത്തി.

 മണിയുടെ ഔട്ട്ഹൗസില്‍ ചാരായം ഉപയോഗിക്കാറുണെ്ടന്ന് പോലീസിന് വ്യക്തമായ തെളിവ് ലഭിച്ചു. അന്വേഷണവുമായി ബന്ധപ്പെട്ട് കസ്റ്റഡിയിലെടുത്തവരില്‍ നിന്നാണ് ചാരായം ഉപയോഗിക്കുന്നത് സംബന്ധിച്ച നിര്‍ണായക തെളിവുകള്‍ ലഭിച്ചത്. ഔട്ട്ഹൗസായ പാഡിയില്‍ അബോധവാസ്ഥയിലാകും മുമ്പ് മണി ചാരായം കഴിച്ചിരുന്നോ എന്നും പോലീസ് അന്വേഷിക്കുന്നുണ്ട്.മണിയെ ആശുപത്രിയില്‍ പ്രവേശിപ്പിച്ച ശേഷം സുഹൃത്തുക്കളില്‍ ചിലര്‍ വന്ന് പാഡി വൃത്തിയാക്കി അതിനുള്ളിലെ ചില സാധനങ്ങള്‍ കവറിലാക്കി കൊണ്ടുപോയതായി പോലീസിന് വിവരം ലഭിച്ചിട്ടുണെ്ടന്നാണ് സൂചന.

ഇതും പോലീസ് അന്വേഷിക്കുന്നുണ്ട്. മണിയെ കാണാന്‍ പാഡിയില്‍ സ്‌പെഷ്യല്‍ അതിഥികളെത്തുമ്പോഴാണ് ചാരായം കൊണ്ടുവരാറുള്ളതെന്ന് പോലീസിന് വിവരം ലഭിച്ചിട്ടുണ്ട്. കസ്റ്റഡിയിലെടുത്തവരെ ചോദ്യം ചെയ്തതില്‍ നിന്നാണ് ഈ നിര്‍ണായക വിവരം ലഭിച്ചത്. മണി ചാരായം കുടിക്കാറില്ലെന്നാണ് സുഹൃത്തുക്കള്‍ പറയുന്നത്. ഏതായാലും മണിയുടെ മരണത്തില്‍ സത്യം പുറത്ത് വരുമെന്ന് പ്രതീക്ഷിക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha