കലി അത്ര പോരാ
ദുല്ഖറിന്റെ കലി അത്ര പോരാ. സമീര് താഹിര് നീലാകാശം പച്ചക്കടല്, ചുവന്ന ഭൂമിക്ക് ശേഷം ദുല്ഖറിനെ നായകനാക്കി എടുത്ത കലി ഒരു ശരാശരി സിനിമ മാത്രമാണ്. മൂക്കിന്റെ തുമ്പത്ത് ദേഷ്യമുള്ള ഒരാളുടെ കഥയാണ് കലി. എന്നാല് കഥാപാത്രത്തെ താരം ഗംഭീരമാക്കി. പ്രേമം ഫെയിം സായി പല്ലവിയാണ് നായിക. വിനായകനും ചെമ്പന് വിനോദും പതിവ് പോലെ തങ്ങളുടെ ഭാഗം നന്നാക്കി. തിരക്കഥയിലെ പാളിച്ചകളാണ് ചിത്രത്തിന് തിരിച്ചടിയായത്. ആദ്യപകുതി ബോറല്ലെങ്കിലും രണ്ടാം പകുതിയുടെ അവസാനം സിനിമാറ്റിക് അനുഭവമാകുന്നില്ല. എവിടെയോ കൊണ്ട് നിര്ത്തിയ പോലെ.
സിദ്ദു എന്ന സിദ്ധാര്ത്ഥിന് പണ്ടേ മുതലേ മൂക്കിന്റെ തുമ്പത്താണ് ദേഷ്യം. ദേഷ്യം വന്നാല് അവന് കയ്യില് കിട്ടുന്നതെന്തും വലിച്ചെറിയും അല്ലെങ്കില് ഉപദ്രവിക്കും. ഈ ദേഷ്യത്തില് നിന്ന് ഉണ്ടാകുന്ന പ്രശ്നങ്ങളാണ് ചിത്രത്തിന്റെ ഇതിവൃത്തം. പലപ്പോഴും ചെറിയ കാര്യങ്ങള്ക്ക് വേണ്ടി നമ്മള് ദേഷ്യപ്പെടുകയും ഒടുവില് അത് വലിയ പ്രശ്നമായി മാറുമ്പോള് പശ്ചാത്തപിക്കുകയും ചെയ്യാറുണ്ട്. അത്തരം കാര്യങ്ങളുടെ ഒരു സാക്ഷ്യപ്പെടുത്തലാണ് ചിത്രം. എന്നാല് എന്താണ് സംഭവിക്കാന് പോകുന്നതെന്ന് പ്രേക്ഷകന് നന്നായി അറിയാം. അതിനപ്പുറത്തേക്ക് പോകാന് തിരക്കഥാകൃത്തിനോ സംവിധായകനോ കഴിഞ്ഞില്ല.
ദുല്ഖറിന്റെ താരപ്രഭ അനുസരിച്ച് ആദ്യ ദിവസങ്ങളില് വലിയ കളക്ഷനാണ് സിനിമയ്ക്ക് ലഭിക്കുന്നത്. വളരെ ചുരുങ്ങിയ ദിവസം കൊണ്ട് ഷൂട്ട് ചെയ്തതിനാല് നിര്മാതാക്കള്ക്ക് കൈ പൊള്ളില്ല. എന്നാല് ഹിറ്റ് ലിസ്റ്റില് സിനിമ ഇടം പിടിക്കില്ല. അത് ദുല്ഖറിന് മൈനസ് പോയിന്റാകും. ടെക്നിക്കലി വളരെ പെര്ഫക്ടായ സിനിമയാണ് കലി. ഗിരീഷ് ഗംഗാധരന്റെ ക്യാമറയും ഗോപിസുന്ദറന്റെ ബി.ജി.എമ്മും എടുത്ത് പറയേണ്ടതാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha