63ാമത് ദേശീയ ചലച്ചിത്ര പുരസ്‌ക്കാരങ്ങള്‍ പ്രഖ്യാപിച്ചു. പിക്കുവിലെ അഭിനയത്തിന് അമിതാഭ് ബച്ചനെ മികച്ച നടനായും തനു വെഡ്‌സ് മനു റിട്ടേണ്‍സിലെ അഭിനയത്തിന് കങ്കണ റനൗത്തിനെ മികച്ച നടിയായും തിരഞ്ഞെടുത്തു. സു സു സുധി വാത്മീകം, ലുക്കാ ചുപ്പി എന്നീ ചിത്രങ്ങളിലെ അഭിനയത്തിന് ജയസൂര്യക്ക് പ്രത്യേക ജൂറി പരാമര്‍ശം. വിവിധ ഭാഷകളിലേക്ക് മൊഴിമാറ്റം ചെയ്ത ബാഹുബലിയാണ് മികച്ച ചിത്രം.
സഞ്ജയ് ലീലാ ബന്‍സാലി (ചിത്രം: ബാജിറാവു മസ്താനി) മികച്ച സംവിധായകനായും തിരഞ്ഞെടുക്കപ്പെട്ടു.
സലിം അഹമ്മദിന്റെ പത്തേമാരിയാണ് മികച്ച മലയാള ചിത്രം. മികച്ച സംഗീത സംവിധായനായി എന്നു നിന്റെ മൊയ്തീന്‍ എന്ന ചിത്രത്തിലെ കാത്തിരുന്നു കാത്തിരുന്നു... എന്ന ഗാനത്തിലൂടെ എം. ജയചന്ദ്രന്‍ അര്‍ഹനായി.
പുതുതായി ഏര്‍പ്പെടുത്തിയ മികച്ച ചലച്ചിത്ര സൗഹൃദ സംസ്ഥാനമെന്ന പുരസ്‌കാരത്തിന് ഗുജറാത്ത് അര്‍ഹമായി. ഈ വിഭാഗത്തില്‍ ഉത്തര്‍പ്രദേശിനും കേരളത്തിനും പ്രത്യേക പരാമര്‍ശവും ലഭിച്ചു. സംവിധായകന്‍ രമേശ് സിപ്പി അധ്യക്ഷനായ പതിനൊന്നംഗ ജൂറിയാണ് പുരസ്‌ക്കാര നിര്‍ണയം നടത്തിയത്. പത്ത് മലയാള ചിത്രങ്ങള്‍ അവസാനറൗണ്ടില്‍ മല്‍സരത്തിനുണ്ട്.
മറ്റു പുരസ്‌കാരങ്ങള്‍ (ഫീച്ചര്‍ വിഭാഗം)
മികച്ച സംസ്‌കൃത ചിത്രം: പ്രിയമാനസം (സംവിധാനം: വിനോദ് മങ്കര)
മികച്ച മലയാള ചിത്രം: പത്തേമാരി.
മികച്ച കൊറിയോഗ്രഫി: റീമോ ഡിസൂസ
പ്രത്യേക ജൂറി പുരസ്‌കാരം: കല്‍ക്കി
മികച്ച വരികള്‍: വരുണ്‍ റോവര്‍
പശ്ചാത്തലസംഗീതം: ധാരായ് പദ്പത്‌റായ്
മികച്ച സംഗീതം: എം. ജയചന്ദ്രന്‍ (ചിത്രം: എന്നു നിന്റെ മൊയ്തീന്‍, ഗാനം: കാത്തിരുന്നു കാത്തിരുന്നു...)
മികച്ച കോസ്റ്റ്യൂം ഡിസൈനര്‍: പായല്‍ സലൂജ
മികച്ച എഡിറ്റിങ്ങ്: ഡി.കിഷോര്‍ (വിചാരണ)
മികച്ച സംഭാഷണം, തിരക്കഥ: ജൂഹി ചതുര്‍വേജി, ഇമാന്‍ചു ശര്‍മ
(നോണ്‍ ഫീച്ചര്‍ വിഭാഗം)
മികച്ച ഹ്രസ്വചിത്രം: കാമുകി (ക്രിസ്‌റ്റോ ടോമി)
മികച്ച സംഗീതം: അരുണ്‍ ശങ്കര്‍
സംവിധാനം: നീലന്‍ (അമ്മ പ്രത്യേക പരാമര്‍ശം)
മികച്ച വിവരണം: അലിയാര്‍ (ഗുരുചേമഞ്ചേരി കുഞ്ഞിരാമന്‍ നായര്‍ ഡോക്യുമെന്ററി)b

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha