മൂന്ന് കോടി സാറ്റലൈറ്റ് നല്കാമെന്ന് പറഞ്ഞിട്ടും കൊടുത്തില്ല; പടം പൊട്ടിയതോടെ ഒരു കോടി പോലും കിട്ടാത്ത സ്ഥിതിയായി
റോഷന് ആന്ഡ്രൂസ്-ബോബി സഞ്ജയ് ടീമിന്റെ സ്കൂള് ബസ് റിലീസാകും മുമ്പ് മൂന്ന് കോടി സാറ്റലൈറ്റ് അവകാശം തരാമെന്ന് പറഞ്ഞ് സൂര്യയും ഏഷ്യാനെറ്റും അടക്കമുള്ളവര് സമീപിച്ചിരുന്നു. എന്നാല് വില്ക്കാന് സംവിധായകനും നിര്മാതാക്കളും തയ്യാറായില്ല. ഹൗ ഓള്ഡ് ആര് യുവിന്റെ സാറ്റലൈറ്റും പടം റിലീസാകുന്നതിന് മുമ്പ് വില്ക്കാന് ഇവര് തയ്യാറായിരുന്നില്ല.എന്നാല് പടം ഹിറ്റായതോടെ വന്തുക സാറ്റലൈറ്റ് ഇനത്തില് ലഭിച്ചു. അത് കണക്കുകൂട്ടിയാണ് ഇത്തവണയും ഇവര് മുന്നോട്ട് നീങ്ങിയത്. ജയസൂര്യയും കുഞ്ചാക്കോബോബനും പ്രധാന വേഷത്തില് അഭിനയിക്കുന്നു എന്ന പ്രത്യേകതയും സ്കൂള് ബസിനുണ്ടായിരുന്നു.
എന്നാല് ചിത്രം തിയറ്ററുകളില് വലിയ പരാജയമാണ് ഉണ്ടാക്കിയത്. അതോടെ ചാനലുകള് ഒരു കോടി പോലും സാറ്റലൈറ്റ് അവകാശം നല്കാന് തയ്യാറല്ല. അതോടെ നിര്മാതാവ് വെട്ടിലായി. പരാജയത്തിന്റെ ഉത്തരവാദിത്തം തനിക്കും തിരക്കഥാകൃത്തുക്കള്ക്കും മാത്രമാണെന്ന് സംവിധായകന് റോഷന് അന്ഡ്രൂസ് പറഞ്ഞു. അടുത്ത സിനിമയില് ഇത്തരം വീഴ്ചകള് സംഭവിക്കാതിരിക്കാന് ശ്രമിക്കുമെന്നും അദ്ദേഹം പറഞ്ഞു. പൃഥ്വിരാജിനെ കേന്ദ്രകഥാപാത്രമാക്കി ഈ സിനിമ ചെയ്യാനാണ് ആദ്യം പ്ലാന് ചെയ്തിരുന്നത്. എന്നാല് തിരക്കഥ ഇഷ്ടപ്പെടാഞ്ഞതിനെ തുടര്ന്ന് രാജു ചിത്രത്തില് നിന്ന് പിന്മാറി.
തുടര്ന്നാണ് ജയസൂര്യയെ റോഷന് സമീപിച്ചത്. നല്ല സംവിധായകന് എന്ന ബലത്തിലാണ് ജയസൂര്യ കമ്മിറ്റ് ചെയ്തത്. കുഞ്ചാക്കോബോബന് മറിച്ചൊന്നും നോക്കാനുണ്ടായിരുന്നില്ല. ട്രാഫികിനും ഹൗ ഓള്ഡ് ആര് യുവിനും തിരക്കഥ എഴുതിയ ബോബി സഞ്ജയ്യും റോഷനെ പോലൊരു സംവിധായകനെയും കണ്ണടച്ച് വിശ്വസിച്ചു. തിരക്കഥയില് വലിയ ആത്മവിശ്വാസവും കാണിച്ചു. എന്നാല് തിയറ്ററില് ഇതൊന്നും ഏശിയില്ല. അടുത്തകാലത്ത് ഇറങ്ങിയ വലിയ ഫ്ളോപ്പുകളിലൊന്നാണ് സ്കൂള് ബസ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
