പ്രേമത്തിന്റെ വ്യാജ പതിപ്പ് കണ്ടെത്തിയ സൈബര്‍ പൊലീസിനോട് അന്‍വര്‍ റഷീദ് വാക്ക് പാലിച്ചില്ല
പ്രേമം സിനിമയുടെ പ്രിന്റ് ഇന്റര്‍നെറ്റിലിട്ട സംഭവം അന്വേഷിച്ച് പ്രതികളെ കണ്ടെത്തിയ സൈബര്‍ പൊലീസിന് നിര്‍മാതാവും സംവിധായകനുമായ അന്‍വര്‍ റഷീദ് നല്‍കിയ വാക്ക് പാലിച്ചില്ല. ഉദ്യോഗസ്ഥര്‍ പലവട്ടം വിളിച്ചിട്ടും അന്‍വര്‍ ഫോണ്‍ പോലും എടുത്തില്ല. പരിമിതികള്‍ക്ക് ഉള്ളില്‍ നിന്ന് ഏറെ ബുദ്ധിമുട്ടിയാണ് അന്വേഷ സംഘം പ്രതിയെ കണ്ടെത്തിയത്. കേസ് വിവാദമായതോടെ സിനിമയുടെ പബഌസിറ്റിയും വര്‍ദ്ധിച്ചിരുന്നു. 30 കോടിയിലധികം രൂപയായിരുന്നു അന്ന് കലക്ഷന്‍ ലഭിച്ചത്. പ്രതിയെ പിടികൂടിയതോടെ സൈബര്‍ പൊലീസിന്റെ സുഗമമായ നടത്തിപ്പിനായി എന്തും ചെയ്യാമെന്ന് അന്‍വര്‍ റഷീദ് ഉറപ്പ് നല്‍കിയിരുന്നു. എന്നാല്‍ തല്‍ക്കാലം ഒന്നും വേണ്ടെന്നും ആവശ്യമുള്ളപ്പോള്‍ അറിയിക്കാമെന്നും ഉദ്യോഗസ്ഥര്‍ പറഞ്ഞു.
മാസങ്ങള്‍ക്ക് ശേഷം പോണ്‍ ഫിലിമിനെതിരെ സൈബര്‍ പൊലീസ് നടപ്പിലാക്കുന്ന ഒരു പദ്ധിയുമായി ബന്ധപ്പെട്ട് ഉദ്യോഗസ്ഥര്‍ അന്‍വര്‍ റഷീദിന്റെ സഹായം തേടി. എന്നാല്‍ ഫോണ്‍ എടുക്കാന്‍ പോലും അന്‍വര്‍ തയ്യാറായില്ല. സിനിമാക്കാര്‍ പണ്ടേ നന്ദിയില്ലാത്തവരും കാര്യം കാണാന്‍ മാത്രം കുമ്പിട്ട് നില്‍ക്കുന്നവരാണെന്നുമുള്ള കാര്യം വീണ്ടും ആവര്‍ത്തിക്കപ്പെട്ടു. പ്രേമം സിനിമ നെറ്റില്‍ അപ് ലോഡ് ചെയ്തത് പ്ലസ് വണ്‍ വിദ്യാര്‍ത്ഥിയാണ്. കാനഡയിലെ ഐ.പി അഡ്രസില്‍ ഫെയ്ക്ക് ഇമെയില്‍ ഐ.ഡി ഉണ്ടാക്കിയാണ് സെന്‍സര്‍ കോപ്പി അപ് ലോഡ് ചെയ്തത്. വളരെ പണിപ്പെട്ടാണ് പ്രതിയെ കുടുക്കിയത്. പിടികൂടിയപ്പോള്‍ തന്നെ പ്രതിയുടെ ബ്രില്യന്‍സിനെ പൊലീസ് അഭിനന്ദിക്കുകയും ചെയ്തു. ഇതുപോലുള്ള പയ്യന്‍മാരെ കേരളാ പൊലീസിന്റെ സൈബര്‍ഡോമില്‍ എടുക്കണമെന്ന് ഒരു ഉന്നത ഉദ്യോഗസ്ഥന്‍ പറഞ്ഞപ്പോള്‍ അതിനേക്കാള്‍ ഗുണകരം എന്‍.ഐ.എയിലോ, റോയിലോ എടുക്കുന്നതാണെന്ന് മറ്റൊരു ഉദ്യോഗസ്ഥന്‍ തമാശയായി പറഞ്ഞു.
https://www.facebook.com/Malayalivartha
