മാധ്യമവും ചലച്ചിത്ര താര സംഘടനയായ അമ്മയും യു എ ഇ എക്‌സേഞ്ചും ചേര്‍ന്ന് ആവിഷ്‌ക്കരിച്ച അക്ഷര വീട് പദ്ധതി പൊതു സമൂഹം ഏറ്റെടുക്കണമെന്ന് മോഹന്‍ലാല്‍. സര്‍വ്വ ജീവജാലങ്ങളുടെയും ആഗ്രഹമാണ് സ്വന്തമായി വീടുണ്ടാവുകയെന്നത്. പാര്‍പ്പിടമില്ലാത്തവനേ അതിന്റെ വേദന അറിയൂ.

സമൂഹത്തിനു വേണ്ടി ജീവിക്കുകയും എന്നാല്‍ സ്വയം ജീവിതം കെട്ടിപ്പടുക്കാന്‍ കഴിയാതെപോവുകയും ചെയ്ത ആയിരങ്ങള്‍ നമുക്കിടയിലുണ്ടെന്നു ലാല്‍ പറയുന്നു.

അക്ഷര വീട് പദ്ധതി കുറച്ചു പേരുടെ മാത്രം ആശയം മാത്രമായി ചുരുങ്ങരുതെന്നും മലയാളത്തിലെ അക്ഷരമാലാ ക്രമത്തില്‍ 51 വീടുകള്‍ മാത്രമായി അവസാനിക്കേണ്ടതല്ലെന്നും മോഹന്‍ലാല്‍ പറഞ്ഞു.

അക്ഷരവീട് പദ്ധതിയില്‍ സമൂഹത്തിലെ എല്ലാ തലങ്ങളിലുളളവരും അണിചേരണം. ഇത് പൊതു സമൂഹത്തിന്റെ മൊത്തം പദ്ധതിയായി മാറുമെന്നു തന്നെയാണ് തന്റെ പ്രതീക്ഷയെന്നു ലാല്‍ പറയുന്നു.

സര്‍വ്വ ജീവജാലങ്ങളുടെയും ആഗ്രഹമാണ് സ്വന്തമായി വീടുണ്ടാവുകയെന്നത്. പാര്‍പ്പിടമില്ലാത്തവനേ അതിന്റെ വേദന അറിയൂ എന്നും ലാല്‍ കൂട്ടിച്ചേര്‍ത്തു