പോക്കിരി രാജയുടെ തുടര്‍ച്ചയായ മധുര രാജയില്‍ സണ്ണിയെത്തുമെന്ന് റിപ്പോര്‍ട്ട്
മമ്മൂട്ടി ചിത്രം മധുര രാജയിലെ ഒരു സുപ്രധാന സംഘട്ടന രംഗം ചിത്രീകരിക്കാന്‍ 25 ദിവസം. പീറ്റര്‍ ഹെയ്ന്‍ ആക്ഷന്‍ കൊറിയോഗ്രാഫി നിര്‍വഹിക്കുന്ന ഈ ഫൈറ്റ് സീക്വന്‍സില്‍ മമ്മൂട്ടിയ്‌ക്കൊപ്പം തെലുങ്ക് താരം ജഗപതീ ബാബുവും പ്രത്യക്ഷപ്പെടുന്നുണ്ട്. ഇപ്പോള്‍ എറണാകുളത്ത് ചെറായിയില്‍ മധുര രാജയുടെ ചിത്രീകരണം പുരോഗമിക്കുകയാണ്. 25 ദിവസം കൊണ്ട് ചിത്രീകരിക്കുന്ന ഫൈറ്റ് സ്വീക്വന്‍സ് മധുര രാജയുടെ ഹൈലൈറ്റുകളിലൊന്നായിരിക്കും. ബോളിവുഡ് താരം സണ്ണി ലിയോണിന്റെ ഐറ്റം നമ്ബര്‍ ചിത്രത്തിലുണ്ടാകുമെന്നും സ്ഥിരീകരിക്കാത്ത റിപ്പോര്‍ട്ടുകളുണ്ട്.
അനുശ്രീ, ഷംനാ കാസിം, മഹിമാ നമ്ബ്യാര്‍ എന്നിവരാണ് മധുരരാജയിലെ നായികമാര്‍.തമിഴ് താരം ജയ്, ബാലചന്ദ്രന്‍ ചുള്ളിക്കാട്, സലിംകുമാര്‍ തുടങ്ങിയവരും താരനിരയിലുണ്ട്.നെല്‍സണ്‍ ഐപ്പ് സിനിമാസിന്റെ ബാനറില്‍ നെല്‍സണ്‍ ഐപ്പ് നിര്‍മ്മിക്കുന്ന ചിത്രം വിഷുവിന് യു.കെ. സ്റ്റുഡിയോസ് തിയേറ്ററിലെത്തിക്കും.
ഇതിനിടയില്‍ മമ്മൂട്ടി ഖാലിദ് റഹ്മാന്റെ ഉണ്ടയിലെ അവസാന വര്‍ക്കുകള്‍ പൂര്‍ത്തിയാക്കും. രമേഷ് പിഷാരടി സംവിധാനം ചെയ്യുന്ന ഗാനഗന്ധര്‍വന്‍, ഹനീഫ് അദേനി തിരക്കഥയെഴുതിയ വിനോദ് വിജയന്‍ സംവിധാനം ചെയ്യുന്ന അമീര്‍, അമല്‍ നീരദിന്റെ ബിലാല്‍, ശ്യാമപ്രസാദിന്റെ ആളോഹരി ആനന്ദം, അജയ് വാസുദേവിന്റെ ചിത്രം, ബോബി സഞ്ജയ് എഴുതി സന്തോഷ് വിശ്വനാഥ് സംവിധാനം ചെയ്യുന്ന ചിത്രം എന്നിവയാണ് മമ്മൂട്ടിയെ കാത്തിരിക്കുന്ന മറ്റ് പ്രോജക്ടുകള്‍.
തെലുങ്ക് ചിത്രം യാത്രയും തമിഴ് ചിത്രം പേരന്‍പുമാണ് അടുത്ത റിലീസുകള്‍. രണ്ടും ഫെബ്രുവരിയില്‍ തിയേറ്ററുകളിലെത്തും. ശങ്കര്‍ രാമകൃഷ്ണന്‍ സംവിധാനം ചെയ്യുന്ന പതിനെട്ടാം പടി അഭിനയിച്ച് പൂര്‍ത്തിയാക്കി. ജോഷി സംവിധാനം ചെയ്യുന്ന ഒരു ചിത്രത്തിലും ഇക്കൊല്ലം അഭിനയിക്കുന്നുണ്ട്.
https://www.facebook.com/Malayalivartha
