എന്റെ കുറവുകളെ ഞാന് സ്നേഹിക്കുന്നു... നിരതെറ്റിയ ഈ പല്ലിന്റെ കാര്യത്തില് ഞാന് പൂര്ണ സംതൃപ്തയാണ്; പല്ലിൽ കമ്പിയിട്ടുകൂടെ എന്ന് ചോദിച്ച ആരാധികയുടെ കമന്റിന് നടി സനൂഷയുടെ ഉഗ്രൻ മറുപടി
അഭിനയ രംഗത്ത് നിന്ന് ഇടവേള എടുത്ത നടി സനുഷ സമൂഹമാധ്യമങ്ങളില് ഇപ്പോഴും സജീവമാണ്. നടി അടുത്തിടെ ഇന്സ്റ്റഗ്രാമില് പങ്കുവച്ച പുതിയ ചിത്രത്തിന്ആരാധിക നല്കിയ കമന്റും അതിന് സനുഷയുടെ മറുപടിയുമാണ് ഇപ്പോള് ശ്രദ്ധ നേടിയിരിക്കുന്നത്. ചിരിച്ചുകൊണ്ട് നിൽക്കുന്ന ചിത്രം സനുഷ കഴിഞ്ഞ ദിവസം പങ്കുവച്ചിരുന്നു. 'എന്തുകൊണ്ട് പല്ലില് കമ്പിയിട്ടുകൂടാ, അത് നിരതെറ്റിയല്ലേ നില്ക്കുന്നത്. പറഞ്ഞൂന്നേയൂള്ളൂ.' എന്ന് ആരാധിക ചിത്രത്തിനു താഴെയായി കുറിച്ചു.
കമന്റ് ശ്രദ്ധയില് പെട്ട താരം അതിന് ഉടന് മറുപടിയും നല്കി. 'എന്റെ കുറവുകളെ ഞാന് സ്നേഹിക്കുന്നു. നിരതെറ്റിയ ഈ പല്ലിന്റെ കാര്യത്തില് ഞാന് പൂര്ണ സംതൃപ്തയാണ്. നിര്ദേശത്തിന് നന്ദി. ഈ കുറവുകളാണ് എന്നെ ഞാനാക്കുന്നത്.' സനുഷ മറുപടിയായി കുറിച്ചു. സനുഷയുടെ വാക്കുകളെ പ്രശംസിച്ച് നിരവധി ആളുകള് രംഗത്തെത്തി. മറ്റുള്ളവര്ക്കു കൂടി പ്രചോദനമാകുന്ന വാക്കുകളാണ് സനുഷയില് നിന്നും കേട്ടതെന്നും നടിയെ എത്ര അഭിനന്ദിച്ചാലും മതിയാകില്ലെന്നും ആരാധകര് അഭിപ്രായപ്പെട്ടു.
https://www.facebook.com/Malayalivartha