പൃഥ്വിയെ ട്രോളി കൊണ്ടുള്ള സുപ്രിയയുടെ പുതിയ ഒരു വീഡിയോ വൈറലാവുകയാണ്. പല വൈകുന്നേരങ്ങളിലും പൃഥ്വിയുടെ 'രണ്ടാം ഭാര്യയെ' ചൊല്ലി താന്‍ വഴക്കിട്ടിരുന്നു എന്നാണ് സുപ്രിയ പറയുന്നത്. അത് മറ്റാരുമല്ല ലൂസിഫറിന്റെ തിരക്കഥാകൃത്ത് മുരളി ഗോപിയാണ്. അത്രയേറെ സമയം പൃഥ്വി സിനിമയ്ക്കായി ചെലവഴിച്ചിരുന്നു. പക്ഷെ, നടനില്‍ നിന്നും പൃഥ്വി എന്ന ഭര്‍ത്താവ് സംവിധായകനായും നിര്‍മ്മാതാവായും വളര്‍ന്നതിലുള്ള തന്റെ സന്തോഷവും സുപ്രിയ വീഡിയോയില്‍ പങ്കുവെയ്ക്കുന്നുണ്ട്. മലയാളത്തിലെ ക്യൂട്ട് താര ജോഡികളാണ് നടന്‍ പൃഥ്വിരാജും ഭാര്യ സുപ്രിയ മേനോനും. സിനിമയില്‍ അഭനയിച്ചിട്ടിലെങ്കില്‍ പോലും പ്രേക്ഷകരുടെ ഇടയില്‍ സുപ്രിയ മിന്നും താരമാണ്. ഭര്‍ത്താവിനെ ട്രോളിയും തങ്ങളുടെ വിശേഷങ്ങള്‍ പങ്കുവെച്ചും സുപ്രിയ സമൂഹമാധ്യമങ്ങളില്‍ സജീവമാണ്.