മലയാളത്തിലെ ഒരു നടിയുടെ അനുജനായ ബാലനടന് തങ്ങളെ വിളിച്ച് അനാവശ്യം പറയുന്നതായി ഒരു കൂട്ടം നടിമാര്.. പാല് പല്ല് കൊഴിഞ്ഞ പ്രായം' അന്വേഷിച്ചു സ്ഥിരമായി വിളിച്ചിരുന്ന ബാല നടനെ അന്വേഷണ സംഘം എത്തിയപ്പോൾ വലയിലായത് പത്തൊമ്ബതുകാരൻ; പിന്നെ സംഭവിച്ചതൊക്കെ ഒരു ഒന്നൊന്നര പുകിലാ...
പത്താം ക്ലാസ് തോറ്റതോടെ വീട്ടില് തന്നെ ഒതുങ്ങിയ ഇയാള് ആക്ഷേപഹാസ്യ സീരിയലിലെ അവതാരകയായ നടിയെയും 'പാല് പല്ല് കൊഴിഞ്ഞ പ്രായം' അന്വേഷിച്ചു സ്ഥിരമായി വിളിച്ചിരുന്നു. ഇതിന് വഞ്ചിയൂര് പൊലീസില് പരാതിപ്പെട്ടെങ്കിലും അന്വേഷണം എങ്ങും എത്തിയിരുന്നില്ല. റിയാലിറ്റി ഷോകളിലെ പെണ്കുട്ടികളെയും വിളിച്ച് ഇതേ ചോദ്യം ചോദിച്ചിരുന്നു. ബാലനടന്റെ പേരില് വാട്ട്സ്ആപ്പ് അക്കൗണ്ടുമെടുത്തായിരുന്നു തട്ടിപ്പ്. ഇപ്പോഴിതാ മലയാളത്തിലെ ഒരു നടിയുടെ അനുജനായ ബാലനടന് തങ്ങളെ വിളിച്ച് അനാവശ്യം പറയുന്നതായി ഒരു കൂട്ടം നടിമാര് രംഗത്തെത്തിയതോടെയാണ് വിരുതൻ പിടിയിലാകുന്നത്.
ഫോണ് നമ്ബര് പരിശോധിച്ച നടി ഇത് എന്റെ അനിയന് അല്ലെന്ന് മറുപടി നല്കി. തുടര്ന്ന് ബാലനടന്റെ അച്ഛന് കണ്ണൂര് എസ്.പിക്ക് പരാതി നല്കി. കേസ് ടൗണ് പൊലീസിന് കൈമാറി. നമ്ബര് അന്വേഷിച്ചതോടെ മലപ്പുറത്തെ ഒരു യുവാവിലെത്തി. എന്നാല് ഇയാള് ശാരീരിക പ്രശ്നമായി വീട്ടിലാണെന്നും വീട് മാറുന്നതിനിടെ സിം കാര്ഡ് നഷ്ടമായയെന്നും ബോദ്ധ്യമായി. അന്വേഷണ സംഘം സ്ഥിരം ലൊക്കേഷന് പിന്തുടര്ന്നതോടെയാണ് പത്തൊമ്ബതുകാരനില് എത്തിയത്. സിനിമാക്കാരുമായി സൗഹൃദം കൂടാന് ചെയ്തതാണെന്ന് ചോദ്യം ചെയ്യലിനിടെ ഇയാള് പറഞ്ഞു. ടൗണ് എസ്.ഐ ബാവിഷ്, നടനും പൊലീസുകാരനുമായ സഞ്ജയ് കണ്ണാടിപ്പറമ്ബ് എന്നിവരാണ് പരാതി അന്വേഷിച്ചത്. പ്രതിയെ ഇന്ന് കണ്ണൂരിലെത്തിക്കും.
https://www.facebook.com/Malayalivartha