വളര്‍ത്തു മൃഗങ്ങളെ വീട്ടില്‍ വളര്‍ത്താന്‍ താല്‍പര്യമാണ് ടൊവിനോയ്ക്ക്. എന്നാല്‍ ചേച്ചിയുടെ വിവാഹം കഴിഞ്ഞതോടെ ആ ഇഷ്ടം താരം വേണ്ടയെന്ന് വയ്ക്കുകയായിരുന്നത്രേ. അഭിമുഖത്തില്‍ ടൊവിനോ തന്നെയാണ് ഇക്കാര്യം വെളിപ്പെടുത്തിയത്. അമ്മയ്ക്ക് ഭാരമാകുമെന്ന് കരുതിയാണ് ആ ഇഷ്ടം വേണ്ടയെന്ന് വെച്ചതെന്നും താരം പറയുന്നു. ഈ കാര്യത്തില്‍ ആകെ പ്രതീക്ഷയുള്ളത് മകളിലാണ്. ഭാര്യയ്ക്കും അപ്പനും ഇതില്‍ താല്‍പര്യമില്ല. മകളിലുള്ള ആ പ്രതീക്ഷ തെറ്റിയില്ലെങ്കില്‍ വീട്ടില്‍ വളര്‍ത്തു മൃഗങ്ങള്‍ എത്തിത്തുടങ്ങും. വളര്‍ത്തുമൃഗങ്ങളോടുള്ള തന്റെ സ്നേഹം മകളിലൂടെ നിലനില്‍ക്കും എന്നാണ് ടൊവിനോയുടെ പ്രതീക്ഷ- ടൊവിനോ കൂട്ടിച്ചേര്‍ത്തു. ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്.