ഇതിലും മികച്ച ഒരു ദിനമില്ല; അച്ഛനും അമ്മയ്ക്കുമൊപ്പം ബിരുദാനന്തര ബിരുദം കരസ്ഥമാക്കിയ സന്തോഷം പങ്കുവച്ച് പ്രയാഗ മാർട്ടിൻ
ബിരുദാനന്തര ബിരുദം കരസ്ഥമാക്കിയ സന്തോഷം പങ്കുവച്ച് നടി പ്രയാഗ മാര്ട്ടിന്. അച്ഛനും അമ്മയ്ക്കുമൊപ്പം ബിരുദധാന ചടങ്ങില് പങ്കെടുത്തതിന്റെ ചിത്രങ്ങള് താരം സാമൂഹ്യമാധ്യമം വഴി ആരാധകരുമായി പങ്കുവച്ചിട്ടുണ്ട്.
'സെന്റ് തെരേസാസിലെ എന്റെ വര്ഷങ്ങള് ഇതിലും മികച്ച ഒരു ദിനത്തില് അവസാനിക്കില്ലെന്ന' ക്യാപ്ഷനോടയാണ് താരം അച്ഛനും അമ്മയ്ക്കുമൊപ്പമുള്ള ചിത്രം പങ്കുവച്ചത്. എറണാകുളം സെന്റ് തെരേസാസ് കോളേജിൽ ട്രാവല് ആന്ഡ് ടൂറിസം മാനേജ്മെന്റ് ബിരുദാനന്തര ബിരുദ വിദ്യാർഥിയായിരുന്നു പ്രയാഗ. കമ്യൂണിക്കേറ്റീവ് ഇംഗ്ലീഷില് പ്രയാഗ ബിരുദമെടുത്തതും സെന്റ് തെരേസാസില് നിന്നാണ്.
ഏഴാം ക്ലാസില് പഠിക്കുമ്പോഴാണ് മോഹന്ലാല് ചിത്രം സാഗര് ഏലിയാസ് ജാക്കിയില് ചെറിയ വേഷം ചെയ്തു കൊണ്ട് പ്രയാഗ മലയാള സിനിമയിലേക്ക് കടന്നു വന്നത്. പിന്നീട് മിഷ്കിന് സംവിധാനം ചെയ്ത പിസാസ് എന്ന തമിഴ് ചിത്രത്തില് നായികയായി. ഉണ്ണി മുകുന്ദന് നായകനായെത്തിയ ഒരു മുറൈ വന്തു പാര്ത്തായ എന്ന ചിത്രത്തിലൂടെ മലയാളത്തിലും നായിക നിരയിലേക്കെത്തി. പിന്നീട് ഫുക്രി, രാമലീല , പോക്കിരി സൈമണ്, ഒരു പഴയ ബോംബ് കഥ തുടങ്ങിയ ചിത്രങ്ങളിലും ശ്രദ്ധേയ വേഷങ്ങള് ചെയ്തു. കലാഭവന് ഷാജോണിന്റെ സംവിധാനത്തില് പൃഥ്വിരാജ് നായകനായെത്തിയ ബ്രദേഴ്സ് ഡേയാണ് പ്രയാഗയുടെ ഒടുവിലത്തെ ചിത്രം.
https://www.facebook.com/Malayalivartha
