നടി ശാന്തികൃഷ്ണയുടെ ജീവിതത്തില്‍ സംഭവിച്ച ഒരു അപകടത്തെ കുറിച്ചാണ് താരം തുറന്ന് പറഞ്ഞത്. മലയാളികളെ സങ്കടക്കടലിലാക്കിയ നടി മോനിഷയുടെ മരണം സംഭവിച്ച അതേ സ്ഥലത്ത് ഞാനും അപകടത്തില്‍പ്പെട്ടിരുന്നു. രക്ഷപ്പെട്ടത് ഭാഗ്യം കൊണ്ട് മാത്രമാണെന്ന് നടി ശാന്തികൃഷ്ണ തുറന്നു പറയുന്നു.

വളരെ കുറച്ച് ചിത്രങ്ങളില്‍ അഭിനയിച്ച് പ്രശസ്തിയുടെ കൊടുമുടിയില്‍ നില്‍ക്കുമ്പോഴാണ് നടി മോനിഷയെ അപകടത്തിന്റെ രൂപത്തില്‍ മരണം കവര്‍ന്നത്. ചേര്‍ത്തലയില്‍ വച്ചുണ്ടായ ഒരു വാഹനാപകടത്തിലാണ് മോനിഷ മരിച്ചത്. വളരെയേറെ അപകടങ്ങള്‍ നടക്കുന്ന സ്ഥലമാണ് ചേര്‍ത്തലയിലെ എക്‌സ്‌റേ ജംങ്ഷനിലുള്ള വളവ്. ഇപ്പോഴിതാ മോനിഷയ്ക്ക് അപകടമുണ്ടായ സ്ഥലത്ത് വച്ച് തനിക്കും അപകടമുണ്ടായിട്ടുണ്ടെന്ന് പറയുകയാണ് നടി ശാന്തി കൃഷ്ണ. ഒരു ടെലിവിഷന്‍ ചാനലിന് നല്‍കിയ അഭിമുഖത്തിലാണ് നടിയുടെ വെളിപ്പെടുത്തല്‍.

സുകൃതം' എന്ന സിനിമയില്‍ അഭിനയിക്കുമ്പോഴാണ് സംഭവം. നെറ്റിയിലും തലയിലും വലിയ പരുക്കുണ്ടായി.'സുകൃത'ത്തിന്റെ ചിത്രീകരണം ഷൊര്‍ണൂരില്‍ നടക്കുമ്‌ബോള്‍ പകല്‍ ചിത്രീകരണം കഴിഞ്ഞ് കൊല്ലത്ത് ഒരു ഡാന്‍സ് പ്രോഗ്രാം അവതരിപ്പിക്കാന്‍ പോയി. തിരികെ വീണ്ടും രാവിലെ തന്നെ ഷൊര്‍ണൂരില്‍ എത്തണമായിരുന്നു.

പ്രോഗാം കഴിഞ്ഞു യാത്ര തിരിച്ചു. യാത്രയില്‍ മോനിഷയ്ക്ക് അപകടം സംഭവിച്ച ചേര്‍ത്തല ഭാഗത്ത് വച്ച് കാര്‍ ആക്‌സിഡന്റായി. താരവും ഡ്രൈവറും മേക്കപ്പ് ആര്‍ട്ടിസ്സും അത്ഭുതകരമായാണ് രക്ഷപ്പെട്ടത്. മുഖത്ത് വലിയ സ്‌ക്രാച് ഉണ്ടാകുമെന്ന് കരുതിയെങ്കിലും ഡോക്ടറുടെ കൃത്യ സമയത്തുള്ള പരിചരണം ഒരു നടി എന്ന നിലയില്‍ എന്റെ മുഖത്തെ ബാധിച്ചില്ല എന്നും അവര്‍ പറഞ്ഞു.