സീത അവസാനിച്ചപ്പോള്‍ ശരിക്കും സങ്കടപ്പെട്ടു. ഇനിയാരും സീതേച്ചിയെന്ന് വിളിക്കില്ലല്ലോയെന്നോര്‍ത്തായിരുന്നു വിഷമമെന്നും ഒരുപാട് ആസ്വദിച്ചായിരുന്നു സീതയില്‍ അഭിനയിച്ചിരുന്നതെന്നും സ്വാസിക പങ്കുവച്ചു. ഒരു യൂട്യൂബ് ചാനലിനു നല്‍കിയ അഭിമുഖത്തില്‍ മോഹന്‍ലാലിനെക്കുറിച്ച്‌ ചോദിച്ചപ്പോള്‍ ദൈവതുല്യനായ മനുഷ്യനാണെന്നായിരുന്നു സ്വാസികയുടെ മറുപടി. പുറമേ കാണുമ്ബോള്‍ സീരിയസാണെന്ന് കാണിക്കാറുണ്ടെങ്കിലും ഉള്ളുകൊണ്ട് വളരെ പാവമാണ് മമ്മൂക്കയെന്നും താരം വ്യക്തമാക്കി. സീരിയല്‍ പ്രേക്ഷകരുടെ പ്രിയങ്കരിയാണ് സ്വാസിക. സൂപ്പര്‍ഹിറ്റ് പരമ്ബര സീതയിലെ കേന്ദ്ര കഥാപാത്രത്തെ അവതരിപ്പിച്ച സ്വാസിക ആരാധകര്‍ക്ക് സീതയാണ്.