പഴഞ്ചൻ രീതികളെ പൊളിച്ചെഴുതി പൃഥ്വിരാജ്!! സൂപ്പര് താരങ്ങള്ക്കും നായികമാര്ക്കും മാത്രമല്ല അണിയറപ്രവര്ത്തകർക്കും ആഢംബര ഹോട്ടലുകളും കാരവാനും നൽകി താരം; ഏറ്റെടുത്ത് സോഷ്യൽമീഡിയ...
കേരളാ സിനി ഔട്ട്ഡോര് യൂണിറ്റില് വര്ക്ക് ചെയ്തിട്ട് ആദ്യമായി ഒരു സിനിമയ്ക്ക് ലൈറ്റ്മാന് താമസിക്കാന് ഇത്രയും നല്ല സൗകര്യം ചെയ്ത് തന്ന ഡ്രൈവിങ് ലൈസന്സ് എന്ന സിനിമയുടെ പ്രൊഡക്ഷന് കമ്ബനിയില് ഉള്ള ആളുകള്ക്ക് നന്ദി ഞങ്ങള് അറിയിക്കുന്നു. യൂണിറ്റ് വര്ക്കേഴ്സിനെ സ്ഥിരമായി കിടത്തുന്ന റൂമുകള്ക്ക് 600, 700 രൂപ കൊടുക്കുമ്ബോള് ഈ റൂമിനും അതേ റേറ്റ് മാത്രമേ ആകുന്നുള്ളു.'ഈ സിനിമയുടെ അണിയറപ്രവര്ത്തകര് ലൈറ്റ്മാന് ഒരുക്കിക്കൊടുത്ത റൂമിന്റെ വിഡിയോ ആണ് ഇപ്പോള് സോഷ്യല് മീഡിയയില് ചര്ച്ചയാകുന്നത്. പൃഥ്വിരാജ് നായകനും നിര്മാതാവുമാകുന്ന, ഡ്രൈവിങ് ലൈസന്സ് എന്ന ചിത്രത്തിലാണ് താരങ്ങള്ക്കെന്ന പോലെ എല്ലാ സൗകര്യവുമുള്ള റൂം ലൈറ്റ്മാനായ മനു മാളികയ്ക്ക് ഒരുക്കിയത്. സൂപ്പര് താരങ്ങള്ക്കും നായികമാര്ക്കും മാത്രം ആഢംബര ഹോട്ടലുകളും കാരവാനും മറ്റുള്ള അണിയറപ്രവര്ത്തകര്ക്ക് സാധാരണ റൂമുകള്. ഇങ്ങനെയൊക്കെയുള്ള രീതികളൊക്കെ പൊളിച്ചെഴുതുകയാണ് പൃഥ്വിരാജ് ചിത്രം ഡ്രൈവിംഗ് ലൈസന്സിന്റെ അണിയറ പ്രവര്ത്തകര്.
https://www.facebook.com/Malayalivartha
