പ്രേക്ഷകരുടെ പ്രിയ താരദമ്ബതികള്‍ പ്രാഗില്‍ അവധി ആഘോഷിക്കുകയാണ്. ഇതിന്റയെ ചിത്രങ്ങള്‍ നസ്രിയ തന്നെയാണ് ഇന്‍സ്റ്റഗ്രാമില്‍ പങ്കുവെച്ചിട്ടുള്ളത്. എന്നെ തിരിച്ചു കൊണ്ടു പോകൂ എന്ന അടിക്കുറിപ്പോടെയാണ് അവധി ആഘോഷ ചിത്രം താരം പങ്കുവെച്ചിരിക്കുന്നത്. ചിത്രത്തിന്റെ കടപ്പാട് ഫഹദിനു തന്നെയാണ്. നിമിഷ നേരം കൊണ്ടാണ് ചിത്രം സോഷ്യല്‍ മീഡിയയില്‍ തരംഗമായത്. കഴിഞ്ഞ ദിവസം നസ്രിയയുടേയും ഫഹദിന്റേയും റൊമാന്റിക് ചിത്രം സോഷ്യല്‍ മീഡിയയില്‍ പ്രത്യക്ഷപ്പെട്ടിരുന്നു. നസ്രിയെ ഫഹദ് ചുംബിക്കുന്ന ചിത്രമായിരുന്നു ഇത്. അതിനു പിന്നാലെയാണ് വിദേശത്തു നിന്നുള്ള അവധി ആഘോഷ ചിത്രം പ്രത്യക്ഷപ്പെട്ടിരിക്കുന്നത്. പ്രേക്ഷകരുടെ പ്രിയപ്പെട്ട താരജോഡികളാണ് നടന്‍ ഫഹദ് ഫാസിലും നടി നസ്രിയയും. സിനിമയില്‍ സജീവമായിരുന്ന സമയത്തായിരുന്നു നസ്രിയ വിവാഹിതയായത്. പിന്നീട് സിനിമയില്‍ അധികം സജീവമല്ലെങ്കിലു സോഷ്യല്‍ മീഡിയയില്‍ സജീവമാണ് താരം. ഫഹദുമായുള്ള യാത്ര ചിത്രങ്ങളും തങ്ങളുടെ കുടുംബ- സിനിമ വിശേഷങ്ങളെല്ലാം തന്നെ ആരാധകരുമായി നസ്രിയ പങ്കുവെയ്ക്കാറുണ്ട്.