അഹാനയ്ക്ക് പിന്നാലെയായി ഇഷാനി കൃഷ്ണയും സിനിമയില്‍ തുടക്കം കുറിക്കുകയാണ്. മമ്മൂട്ടി ചിത്രമായ വണ്ണില്‍ ഇഷാനിക്കൊപ്പം കൃഷ്ണകുമാറും അഭിനയിക്കുന്നുണ്ട്. പൊതുവെ മക്കള്‍ക്കൊപ്പം അഭിനയിക്കാന്‍ താല്‍പര്യമില്ലെങ്കിലും ഈ ചിത്രത്തിലെ അവസരം വേണ്ടെന്ന് വെക്കാന്‍ തോന്നിയിരുന്നില്ലെന്നായിരുന്നു താരം പറഞ്ഞത്. റിമി ടോമി അവതാരികയായി എത്തിയ ഷോയാണ് ഒന്നും ഒന്നും മൂന്ന്. ഇപ്പോഴിതാ പരിപാടിയുടെ പുതിയൊരു സീസണ്‍ തുടങ്ങിരിക്കുകയാണ്. നടന്‍ കൃഷ്ണകുമാറും കുടുംബവുമാണ് പുതിയ സീസണില്‍ അതിഥികളായെത്തിയത്. അച്ഛന് പിന്നാലെയായി മക്കളും സിനിമയില്‍ അരങ്ങേറിയിരിക്കുകയാണ് ഇപ്പോള്‍. ശക്തമായ പിന്തുണയാണ് താരപുത്രികള്‍ക്ക് ലഭിച്ചുകൊണ്ടിരിക്കുന്നത്. കൃഷ്ണകുമാറിനെക്കുറിച്ചും മക്കളെക്കുറിച്ചുമൊക്കെയുള്ള വിശേഷങ്ങളാണ് പരിപാടിയിലൂടെ പറയുന്നത്.

കൃഷണകുമാറിന്റെയും സിന്ധുവിന്റെയും പ്രണയകഥ എപ്പിസോഡിലൂടെ പറയുന്നുണ്ട്. കോളേജില്‍ പഠിക്കുന്ന സമയത്ത് തന്നെ കൃഷ്ണകുമാറിനെ അറിയാമായിരുന്നു. ദൂരദര്‍ശനില്‍ ന്യൂസ് റീഡറായിരുന്നുവല്ലോ അദ്ദേഹം. അന്ന് കുറച്ച് ആണുങ്ങളേ ചാനലിലുണ്ടായിരുന്നുള്ളൂ, അക്കൂട്ടത്തില്‍ ഒരേയൊരു ചെറുപ്പക്കാരനേയുള്ളൂ. അന്ന് ഞങ്ങളുടെ സീനിയര്‍ കിച്ചുവിന്റെ കൂടെ സീരിയലിലും അഭിനയിച്ചിരുന്നു. അപ്പാ ഹാജയുടെ കടയില്‍ ഇരിക്കുന്ന സമയത്താണ് സിന്ധുവിനെ കണ്ടത്. അന്ന് അവിടെ വെച്ച് പരിചയപ്പെട്ടു. അന്നത്തെ പരിചയമാണ് പ്രണയമായി മാറിയത്. അതേസമയം മുന്‍പൊരു അഭിമുഖത്തിനിടയില്‍ എല്ലാവരും ഒരു മുറിയിലാണ് കിടക്കുന്നതെന്ന് അഹാന പറഞ്ഞിരുന്നു. ഇപ്പോഴും അങ്ങനെത്തന്നെയാണ്. ആരെങ്കിലും ഒരാളുടെ കല്യാണം കഴിയുന്നതിനായി കാത്തിരിക്കുകയാണ് മറ്റുള്ളവര്‍. ഇങ്ങനെയാവുമ്പോള്‍ കറന്റ് ബില്‍ സേവ് ചെയ്യാമെന്നാണ് അച്ഛന്‍ പറഞ്ഞുതന്നിട്ടുള്ളതെന്നും അഹാന പറഞ്ഞിരുന്നു. രണ്ട് റൂമില്‍ ഫാന്‍, രണ്ട് റൂമില്‍ എസി അതൊന്നും വേണ്ടല്ലോ. മക്കളെ ഡ്രൈവിംഗ് പഠിപ്പിക്കുന്നുണ്ട്, പുറത്തുനിന്ന് ആളെ വെക്കേണ്ടല്ലോ. അതുകൂടാതെ ഇരുവരും ചേര്‍ന്നുനില്‍ക്കുമ്പോള്‍ കാണാനെന്തൊരു ഭംഗിയാണെന്നായിരുന്നു റിമി ടോമി ആദ്യം പറഞ്ഞത്. ചേര്‍ന്ന് നില്‍ക്കാതെ തന്നെ നാല് പിള്ളേരായി, ഇനി വേണ്ടെന്നാണ് തീരുമാനം. ആണ്‍കുഞ്ഞിനെ പ്രതീക്ഷിച്ചായിരുന്നില്ല തങ്ങള്‍ ഇങ്ങനെ ചെയ്തതെന്ന് ഇരുവരും പറഞ്ഞിരുന്നു. ചൈനീസ് കലണ്ടറിന്റെ കാര്യത്തെക്കുറിച്ചൊക്കെ പലരും പറഞ്ഞിരുന്നു. ഇപ്പോ സിനിമയൊക്കെ കുറവാണല്ലേ, എന്നിട്ട് പതുക്കെ ചോദിക്കും. നാല് പെണ്‍കുട്ടികളാണല്ലോ അല്ലേ എന്ന് വിഷമത്തോടെ പലരും ചോദിക്കാറുണ്ടെന്നായിരുന്നു കൃഷ്ണകുമാര്‍ പറഞ്ഞത്.