തെന്നിന്ത്യയില്‍ ഏറ്റവും ആരാധകരുള്ള താരദമ്ബതികള്‍ സാമന്തയും നാഗ ചൈതന്യയും. സോഷ്യല്‍ മീഡിയയില്‍ സജീവമായ താരങ്ങളാണ് ഇരുവരും. കഴിഞ്ഞ ദിവസം വിമാനം വൈകിയതിനാല്‍ സാമന്ത ആരാധകരോട് സോഷ്യല്‍ മീഡിയയിലൂടെ സംസാരിക്കാന്‍ ശ്രമിക്കുകയായിരുന്നു. ആരാധകരുടെ ചോദ്യങ്ങള്‍ക്ക് എല്ലാം മറുപടിയുമായി സാമന്ത എത്തി.

ഒരു ആരാധകന്‍ ചോദിച്ചത് സാമന്ത ഗര്‍ഭിണിയാണോ എന്നായിരുന്നു. എപ്പോഴാണ് കുട്ടി ഉണ്ടാകുക എന്ന തരത്തിലായിരുന്നു ചോദ്യം. സാമന്ത തക്ക മറുപടിയും നല്‍കി. എന്റെ ശരീരത്തിന്റെ പ്രവര്‍ത്തനങ്ങളില്‍ താത്പര്യം പ്രകടിപ്പിക്കുന്ന എല്ലാവര്‍ക്കും എന്ന് പറഞ്ഞായിരുന്നു മറുപടി. 2020 ഓഗസ്റ്റ് 7 ന് രാവിലെ 7 മണിക്ക് എനിക്ക് കുഞ്ഞുണ്ടാകും എന്നായിരുന്നു മറുപടി.