തന്റെ കരിയറിലെ നഷ്ടത്തെ കുറിച്ച് തുറന്ന് പറഞ്ഞ് രാകുല് പ്രീത് സിംഗ്
തെന്നിന്ത്യന് സിനിമാപ്രേക്ഷകരുടെ പ്രിയപ്പെട്ട താരം രാകുല് പ്രീത് സിംഗ് കന്നഡ സിനിമയിലൂടെയായിരുന്നു വെള്ളിത്തിരയില് എത്തിയത്. ഇപ്പോഴിതാ തന്റെ കരിയറില് സ്വീകരിക്കാന് കഴിയാതെ പോയ സിനിമയെക്കുറിച്ചുള്ള തുറന്നുപറച്ചിലുമായി എത്തിയിരിക്കുകയാണ് താരം.
വിജയ് ദേവരകൊണ്ടയും രാശ്മിക മന്ദാനയും ഒരുമിച്ച് അഭിനയിച്ച ചിത്രമായ ഗീതഗോവിന്ദത്തിലേക്ക് സംവിധായകന് ആദ്യം തീരുമാനിച്ചത് രാകുലിനെയായിരുന്നു. 2018 ല് പുറത്തിറങ്ങിയ സിനിമയ്ക്ക് മികച്ച സ്വീകരണമായിരുന്നു ലഭിച്ചത്. ബോക്സോഫീസില് നിന്നും ചരിത്ര വിജയമായിരുന്നു സിനിമ സ്വന്തമാക്കിയത്. ഗീതയായെത്താനുള്ള അവസരമായിരുന്നു അന്ന് രാകുലിന് നഷ്ടമായത്. ഈ സിനിമ സ്വീകരിക്കാന് കഴിയാതെ പോയതിന് പിന്നിലെ കാരണത്തെക്കുറിച്ച് തുറന്നുപറഞ്ഞെത്തിയിരിക്കുകയാണ് താരമിപ്പോള്.
ആ സമയത്ത് താനൊരു ഹിന്ദി സിനിമയുടെ തിരക്കിലായിരുന്നുവെന്ന് രാകുല് പ്രീത് സിംഗ് ഓര്ത്തെടുക്കുന്നു. നേരത്തെ തന്നെ ഏറ്റെടുത്ത പ്രൊജക്ടായിരുന്നു അത്. സിനിമയുടെ ചിത്രീകരണം നടന്നുകൊണ്ടിരിക്കുന്നതിനിടയിലാണ് ഗീതഗോവിന്ദം ടീം തന്നെ സമീപിച്ചത്. രാകുലിന്റെ അസൗകര്യമാണ് രാശ്മികയ്ക്ക് ഗുണകരമായി മാറിയത്. രാശ്മികയുടെ കരിയര് ബ്രേക്ക് സിനിമയായി മാറുകയായിരുന്നു ഗീതഗോവിന്ദം. ആ സിനിമ നഷ്ടമായതില് സങ്കടമില്ല,, എന്നാല് അതേ സമയം തന്നെ ചിത്രത്തിന്റെ ഭാഗമാവാന് കഴിഞ്ഞിരുന്നുവെങ്കില് എന്ന ആഗ്രഹവുമുണ്ടായിരുന്നുവെന്നും താരം പറയുന്നു.
https://www.facebook.com/Malayalivartha
