സോഷ്യല്‍ മീഡിയയിലും സജീവമായ താരം പങ്കുവെയ്ക്കുന്ന ചിത്രങ്ങളും പോസ്റ്റുകളും എല്ലാം തന്നെ ശ്രദ്ധ നേടാറുണ്ട്. ഇപ്പോഴിതാ സാരിയില്‍ തിളങ്ങിനില്‍ക്കുന്ന എസ്തേറിന്റെ ഏറ്റവും പുതിയ ചിത്രങ്ങളാണ് പുറത്തുവന്നിരിക്കുന്നത്. പുതിയ മേക്ക് ഓവറിലാണ് ചിത്രങ്ങളിലെല്ലാം നടിയെ കാണാനാവുക. അതേസമയം ബാലതാരത്തില്‍ നിന്നും നായികയായി വീണ്ടും സജീവമാകുകയാണ് താരം.

മലയാളത്തിലെ എക്കാലത്തേയും വലിയ ഹിറ്റുകളിലൊന്നായിരുന്നു മോഹന്‍ലാല്‍ നായകനായ 'ദൃശ്യം' എന്ന ചിത്രം. സിനിമയില്‍ മോഹന്‍ലാലിന്‍റെ ഇളയമകളായി അഭിനയിച്ച എസ്തേര്‍ എന്ന കൊച്ചു സുന്ദരിയെ ആരും പെട്ടെന്ന് മറക്കാന്‍ ഇടയില്ല. ലാലേട്ടന്റെ മകളായി ശ്രദ്ധേയ പ്രകടനം തന്നെയാണ് എസ്തേര്‍ അനില്‍ കാഴ്ചവെച്ചിരുന്നത്. എസ്തറിന്റെ കരിയറിലും ഈ ചിത്രം വലിയ വഴിത്തിരിവുണ്ടാക്കിയിരുന്നു. ദൃശ്യത്തിന്റെ തന്നെ തമിഴ്, തെലുങ്ക് പതിപ്പുകളിലും മകളായി അഭിനയിച്ചത് എസ്തര്‍ തന്നെയായിരുന്നു. ഷെയ്ന്‍ നിഗത്തിന്‍റെ നായികയായി ഓള് എന്ന ചിത്രമാണ് നടിയുടെതായി ഒടുവില്‍ പുറത്തിറങ്ങിയത്. ചിത്രം നിരവധി ചലച്ചിത്ര മേളകളില്‍ അടക്കം ശ്രദ്ധിക്കപ്പെട്ടിരുന്നു.