പൈസയ്ക്ക് വേണ്ടി ഒരാളുടെ ജീവിതം വച്ച് കളിക്കരുത്; റിയല്‍ ലൈഫുമായി അതിന് യാതൊരു ബന്ധവും ഇല്ല; മറുപടിയുമായി ഫെയ്സ്ബുക്ക് ലൈവില്‍ ജൂഹി
ഉപ്പും മുളകും എന്ന പരിപാടിയിലൂടെ ലച്ചു എന്ന കഥാപാത്രത്തിലൂടെ പ്രേക്ഷകര്‍ക്ക് പ്രിയങ്കരിയാണ് ജൂഹി രുസ്തഗി. ലച്ചുവിന്റെ കല്യാണ വിശേഷങ്ങളാണ് പ്രേക്ഷകരെ ഇപ്പോൾ രസിപ്പിച്ചിരിക്കുന്നത്. ഇതുമായി ബന്ധപ്പെട്ട വാര്‍ത്തകളില്‍ നിന്ന്, ലച്ചുവിന്റെ വിവാഹം ജൂഹിയുടെ വിവാഹമായി തെറ്റിദ്ധരിച്ചവര്‍ ഏറെയാണ്. സംഭവം കൈവിട്ടുപോയി എന്നായപ്പോൾ ഫെയ്സ്ബുക്ക് ലൈവിലൂടെ ഇതിനു വിശദീകരണവുമായി എത്തിയിരിക്കുകയാണ് ജൂഹി.
‘നടക്കാന്‍ പോകുന്നത് ലച്ചുവിന്റെ വിവാഹം ആണ് അല്ലാതെ, എന്റെ വിവാഹം അല്ല. ദയവ് ചെയ്ത് തെറ്റിദ്ധരിക്കരുത്. എന്റെ വിവാഹം ആണെങ്കില്‍ ഞാന്‍ നിങ്ങളെ തീര്‍ച്ചയായും അറിയിക്കും. ലച്ചുവിന്റെ കല്യാണം ഒരു കഥ മാത്രമാണ്. അല്ലാതെ റിയല്‍ ലൈഫുമായി യാതൊരു ബന്ധവും ഇല്ല.’
‘പൈസയ്ക്ക് വേണ്ടി ഒരാളുടെ ജീവിതം വച്ച് കളിക്കരുത്. അത് ഒരുപാട് പ്രശ്‌നങ്ങള്‍ ഉണ്ടാക്കിയിട്ടുമുണ്ട്. എന്റെ കാര്യ മാത്രമല്ല എല്ലാവരുടെയും കാര്യത്തില്‍ എനിക്കിതാണ് പറയാനുള്ളത്. ഈ പ്രശ്‌നങ്ങള്‍ ഗൗനിക്കാതിരിന്നാല്‍ ഇത്തരം വാര്‍ത്തകള്‍ പ്രചരിപ്പിക്കുന്നവര്‍ കൂടുതല്‍ തലയില്‍ കയറുകയേയുള്ളു. പ്രതികരിക്കാതിരിക്കും തോറും ഇവര്‍ കൂടുതല്‍ പ്രശ്‌നങ്ങള്‍ സൃഷ്ടിക്കുകയാണ്.’ ജൂഹി വീഡിയോയില്‍ പറഞ്ഞു.
ആരാധകര്‍ ഏറെയുള്ള ജനപ്രിയ പരമ്ബരയാണ് ഉപ്പും മുളകും. ആയിരം എപ്പിസോഡ് ആകുന്ന ഉപ്പും മുളകിലെ പുതിയ വിശേഷം ലക്ഷ്മി ബാലചന്ദ്രന്‍ തമ്ബിയുടെ വിവാഹമാണ്. ലെച്ചു വിവാഹിതയാകുന്ന വാര്‍ത്ത സോഷ്യല്‍ മീഡിയയിലെ ചര്‍ച്ച വിഷയമായിക്കഴിഞ്ഞു. എന്നാൽ പണി കിട്ടിയത് ജൂഹിക്കാണ്. ഈ സാഹചര്യത്തിലാണ് വിശദീകരണവുമായി താരം രംഗത്തെത്തിയത്.
https://www.facebook.com/Malayalivartha
