സിനിമയില് വിലക്കുകല്പിച്ച നിര്മാതാക്കള്ക്ക് മനോരോഗമാണോ മനോവിഷമമാണോ? ഐഎഫ്എഫ്കെ വേദിയില് വച്ച് താന് നടത്തിയ പ്രസ്താവന തെറ്റിദ്ധരിക്കപ്പെട്ടു: ക്ഷമ ചോദിച്ച് ഷെയ്ന് നിഗം: ക്ഷമയാണ് എല്ലാത്തിലും വലുത് എന്ന് വിശ്വസിക്കുന്നു
ഫേസ്ബുക്ക് പേജിലൂടെ നിര്മാതാക്കള്ക്കെതിരായ വിവാദ പരാമര്ശത്തില് മാപ്പു പറഞ്ഞ് നടന് ഷെയ്ന് നിഗം. ഐഎഫ്എഫ്കെ വേദിയില് വച്ച് ഷെയ്ന് നടത്തിയ പ്രസ്താവനയാണ് വിവാദമായത്. സിനിമയില് വിലക്കുകല്പിച്ച നിര്മാതാക്കള്ക്ക് മനോരോഗമാണോ മനോവിഷമമാണോ എന്ന ഷെയ്നിന്റെ പരാമര്ശം തെറ്റിധരിക്കപ്പെട്ടെന്ന് ഷെയ്ന് കുറിച്ചു.
നിര്മ്മാതാക്കള്ക്ക് മനോവിഷമമാണോ മനോരോഗമാണോ എന്ന് ചോദിച്ചത് സത്യമാണെന്നും സ്വതസിദ്ധമായ രീതിയിലുള്ള ചിരിച്ചുകൊണ്ടുള്ള മറുപടി മാത്രമാണ് നല്കിയതെന്നും ഷെയ്ന് വ്യക്തമാക്കി. ആ വാക്കുകളില് ആര്ക്കെങ്കിലും വിഷമം ഉണ്ടെങ്കില് ക്ഷമാപണം നടത്തുന്നുവെന്ന് കുറിച്ച ഷെയ്ന് തന്നെക്കുറിച്ച് നിര്മാതാക്കള് മുന്പ് പറഞ്ഞ വാക്കുകളൊന്നും പൊതുസമൂഹവും മറന്നിട്ടുണ്ടാകില്ല എന്നാണ് വിശ്വാസമെന്നും പറയുന്നുണ്ട്. അന്ന് താന് ക്ഷമിച്ചപോലെ ഇതും ക്ഷമിക്കും എന്ന പ്രതീക്ഷയിലാണ് ഉള്ളതെന്നും ക്ഷമയാണ് എല്ലാത്തിലും വലുത് എന്ന് വിശ്വസിക്കുന്നുവെന്നും ഷെയിന് പറയുന്നു.
https://www.facebook.com/Malayalivartha