2018 ഒക്ടോബര്‍ ഒന്ന് മുതല്‍ 2019 സെപ്റ്റംബര്‍ 30 വരെയുള്ള കാലഘട്ടത്തില്‍ താരങ്ങള്‍ നേടുന്ന പ്രതിഫലവും താരമൂല്യവും അടിസ്ഥാനപ്പെടുത്തി തയ്യാറാക്കിയ ഫോബ്‌സ് പട്ടിക പുറത്ത്. സോഷ്യല്‍ മീഡിയയിലും മാദ്ധ്യമങ്ങളിലുമുള്ള പ്രശസ്തിയും വരുമാനവുമാണ് താരങ്ങളുടെ മൂല്യത്തെ നിര്‍ണയിക്കുക. ഈ വര്‍ഷത്തെ കായിക,വിനോദ മേഖലകളില്‍ നിന്നുള്ള 100 ഇന്ത്യന്‍ പ്രമുഖരുടെ പട്ടിക ഫോര്‍ബ്‌സ് മാസിക പ്രസിദ്ധീകരിച്ചു. കഴിഞ്ഞ വര്‍ഷത്തെ അപേക്ഷിച്ച്‌ ഏറെ വ്യത്യാസമുള്ളതാണ് ഇത്തവണത്തെ പട്ടിക. ക്രിക്കറ്റ് താരം വിരാട് കോലിയാണ് ഇത്തവണ ഒന്നാം സ്ഥാനത്ത് എത്തിയിരിക്കുന്നത്. മലയാളി സൂപ്പര്‍താരങ്ങളായ മോഹന്‍ലാലും മമ്മൂട്ടിയും ഇത്തവണയും പട്ടികയില്‍ ഇടം നേടിയിട്ടുണ്ട്. യഥാക്രമം 27ും 67മാണ് പട്ടികയിലെ ഇരുവരുടെയും സ്ഥാനം. 2016 മുതല്‍ ഒന്നാം സ്ഥാനത്ത് തുടരുകയായിരുന്ന ബോളിവുഡ് നടന്‍ സല്‍മാന്‍ ഖാന്‍ ഇത്തവണ മൂന്നാം സ്ഥാനത്താണ് . 293.25 കോടി രൂപ വാര്‍ഷിക വരുമാനമുള്ള അക്ഷയ് കുമാറിനാണ് പട്ടികയില്‍ രണ്ടാം സ്ഥാനം. വിരാട് കോഹ്‌ലിക്ക് 252.72 കോടി രൂപയാണ് വരുമാനം.

മോഹന്‍ലാലിനേയും മമ്മൂട്ടിയേയും കൂടാതെ ദക്ഷിണേന്ത്യയില്‍ നിന്ന് രജനീകാന്ത്, എ.ആര്‍ റഹ്മാന്‍, ധനുഷ്, വിജയ്, കമല്‍ഹാസന്‍, പ്രഭാസ്, സംവിധായകന്‍ ഷങ്കര്‍, മഹേഷ് ബാബു, സൈന നേവാള്‍, പി.വി സിന്ധു എന്നിവരും പട്ടികയില്‍ ഇടം നേടിയിട്ടുണ്ട്. രജനീകാന്ത് 13ാം സ്ഥാനത്തും റഹ്മാന്‍ 17ാം സ്ഥാനത്തുമാണുള്ളത്. പാതി മലയാളിയായ നടന്‍ ജോണ്‍ എബ്രഹാമിന് പട്ടികയില്‍ 46ാം സ്ഥാനമാണ് ലഭിച്ചത്.അമിതാഭ് ബച്ചന്‍, എം.എസ് ധോണി, ഷാറൂഖ് ഖാന്‍, രണ്‍വീര്‍ സിംഗ് എന്നിവര്‍ യഥാക്രമം നാല്, അഞ്ച്, ആറ്, ഏഴ് എന്നീ സ്ഥാനങ്ങളിലുമുണ്ട്. ആലിയ ഭട്ട് പട്ടികയില്‍ എട്ടാം സ്ഥാനത്തും സച്ചിന്‍ ടെണ്ടുല്‍ക്കര്‍ ഒമ്ബതാം സ്ഥാനത്തും ദീപിക പത്താം സ്ഥാനത്തുമാണ്.

14ാം സ്ഥാനത്താണ് പ്രിയങ്ക ഇത്തവണ. കഴിഞ്ഞ കൊല്ലത്തെ പട്ടികയില്‍ 49ാം സ്ഥാനത്തായിരുന്നു നടി. കോഹ്‌ലിയുടെ ഭാര്യയും സിനിമാതാരവുമായ അനുഷ്‌ക ശര്‍മയ്ക്ക് പട്ടികയില്‍ 21ാം സ്ഥാനമാണ്. സാറ അലി ഖാന്‍, ദിശ പട്ടാനി, കൃതി സനോന്‍ എന്നിവര്‍ ആദ്യമായി പട്ടികയില്‍ ഇടം നേടിയിട്ടുണ്ട്.