ടിക് ടോക്കിലൂടെയും ഡബ്‌സ്മാഷ് വീഡിയോകളിലൂടെയും ഏറെ ശ്രദ്ധ പിടിച്ചുപറ്റിയ താരമാണ് സൗഭാഗ്യ വെങ്കിടേഷ്. നടിയും നര്‍ത്തകിയുമായ താര കല്യാണിന്റെ മകളാണ് സൗഭാഗ്യ. മകളോടൊപ്പം നൃത്തം ചെയ്തും ഡബ്‌സ്മാഷ് ചെയ്തും അമ്മ താരയും ഈ രംഗത്ത് സജീവമാണ്.

ഇപ്പോൾ വിവാഹ സൂചന നൽകിയിരിക്കുകയാണ് സൗഭാഗ്യ.സുഹൃത്ത് അര്‍ജുന്‍ സോമശേഖറാണ് വരന്‍. ഇരുവരുമൊന്നിച്ച് ദീപാലംകൃതമായ പദ്മനാഭസ്വാമി ക്ഷേത്രത്തിന് മുന്നില്‍ നില്‍ക്കുന്ന ചിത്രമാണ് ഇപ്പോള്‍ തരംഗമാകുന്നത്.

'എത്ര കടപ്പെട്ടിരിക്കുന്നു ഞാന്‍.. എനിക്കുമൊരു അമൂല്യരത്‌നം കിട്ടി.' എന്ന കുറിപ്പോടെയാണ് സൗഭാഗ്യ ചിത്രം പങ്കുവെച്ചിരിക്കുന്നത്.

മറ്റൊരു ചിത്രത്തിനൊപ്പം ഇങ്ങനെ ഒരു കുറിപ്പും. 'എത്ര സ്വര്‍ഗീയമായ സ്ഥലം!! ഇവിടെയാണ് എല്ലാം തുടങ്ങുന്നത്. വിധി.. ഈശ്വരന്‍ നിങ്ങള്‍ക്കുവേണ്ടി എന്താണ് കരുതി വെച്ചിരിക്കുന്നത് എന്ന് നിങ്ങള്‍ ചിലപ്പോള്‍ അറിയില്ല. എങ്കിലും ഞാന്‍ പറയുന്നു, അതായിരിക്കും ഏറ്റവും യോജിച്ചത്.' ശ്രീ പദ്മനാഭസ്വാമി ക്ഷേത്രത്തിനു മുമ്പില്‍ വച്ചാണ് ചിത്രമെടുത്തിരിക്കുന്നത്. നൃത്തവേഷത്തിലാണ് സൗഭാഗ്യ ചിത്രത്തില്‍ പ്രത്യക്ഷപ്പെടുന്നത്.

ഇരുവരും ഒരുമിച്ചുള്ള ചിത്രങ്ങളും ഡബ്‌സ്മാഷ് വിഡിയോകളും ഇപ്പോൾ തരംഗമാവുകയാണ്. സൗഭാഗ്യയ്ക്കൊപ്പം ഡബ്‌സ്മാഷിലൂടെ സുപരിചിതനാണ് അർജുനും. അർജുനും ഒന്നിച്ചുള്ള ഫോട്ടോകളാണ് ഇപ്പോൾ സൗഭാഗ്യയുടെ ഇൻസ്റ്റഗ്രാമിൽ നിറയെ.