പ്രേക്ഷകരുടെ ഇഷ്ട യുവതാരമാണ് ഷെയ്ന്‍ നിഗം. ഇപ്പോഴിതാ വിവാദങ്ങൾക്കിടയിൽ വീണ്ടും വിവാദത്തിലേയ്ക്ക് പോകുകയാണ് താരം. ഉല്ലാസം സിനിമയുടെ ഡബ്ബിംഗ് ഉടന്‍ പൂര്‍ത്തിയാക്കണമെന്ന നിര്‍മാതാക്കളുടെ ആവശ്യം ഷെയ്ന്‍ നിഗം തള്ളി. കൂടുതല്‍ പ്രതിഫലം തരാതെ ഡബ്ബ് ചെയ്യില്ലെന്ന നിലപാടില്‍ ഷെയ്ന്‍. നാളെ ഡബ്ബിംഗ് പൂര്‍ത്തിയാക്കണമെന്നായിരുന്നു നിര്‍മ്മാതാക്കളുടെ ആവശ്യം.ജനുവരി അഞ്ചിന് ഡബ്ബിംഗ് പൂര്‍ത്തിയാക്കണമെന്നാണ് മുന്‍പ് പ്രശ്‌ന പരിഹാരത്തിനായി നിര്‍മ്മാതാക്കള്‍ മുന്നോട്ടുവച്ച ആവശ്യം. എന്നാല്‍ ഈ സിനിമയുമായി ബന്ധപ്പെട്ട് പ്രതിഫല തര്‍ക്കം നിലനില്‍ക്കുന്നതിനാല്‍ കൂടുതല്‍ പ്രതിഫലം നല്‍കാതെ ഡബ്ബിംഗ് പൂര്‍ത്തിയാക്കില്ലെന്നാണ് ഷെയ്‌ന്റെ നിലപാട്.ഡബ്ബിംഗ് പൂര്‍ത്തിയാക്കിയില്ലെങ്കില്‍ തുടര്‍ ചര്‍ച്ചകള്‍ ഉണ്ടാകില്ലെന്ന് നിര്‍മ്മാതാക്കളുടെ സംഘടന നേരത്തെ വ്യക്തമാക്കിയിരുന്നു. മറ്റൊരാളെ വച്ച്‌ ഡബ്ബിംഗ് പൂര്‍ത്തിയാക്കാനുള്ള നീക്കത്തിലാണ് സംഘടന. കഴിഞ്ഞ മാസം 19ന് ചേര്‍ന്ന പ്രെഡ്യുസേഴ്‌സ് അസോസിയേഷന്‍ നിര്‍വാഹക സമിതി യോഗത്തിലാണ് ഉല്ലാസം സിനിമയുടെ ഡബ്ബിംഗ് എത്രയും വേഗം പൂര്‍ത്തിയാക്കാന്‍ ഷെയ്ന്‍ നിഗത്തിന് നിര്‍ദേശം നല്‍കിയത്. എന്നാല്‍ കത്ത് നല്‍കി രണ്ടാഴ്ച കഴിഞ്ഞിട്ടും ഷെയ്ന്‍ മറുപടി നല്‍കാതിരുന്നതോടെയാണ് മൂന്നു ദിവസത്തിനകം ഡബ്ബിംഗ് പൂര്‍ത്തിയാക്കാണമെന്ന് അസോസിയേഷന്‍ ആവശ്യപ്പെട്ടത്. എന്നാല്‍ പ്രതിഫലതര്‍ക്കത്തില്‍ അമ്മയും നിര്‍മ്മാതാക്കളുടെ സംഘടനയും തീരുമാനം എടുത്തത്തിന് ശേഷം മാത്രമേ ഡബ്ബിംഗ് പൂര്‍ത്തിയാക്കൂ എന്ന നിലപാടിലാണ് ഷെയ്ന്‍. ഈ മാസം ഒമ്ബതിന്‌ചേരുന്ന അമ്മ എക്‌സിക്യുട്ടീവ് യോഗത്തില്‍ വിഷയം ചര്‍ച്ചയാകുമെന്നും പ്രശ്‌നപരിഹാരം എത്രയും വേഗമുണ്ടാകുമെന്ന് പ്രതീക്ഷയുണ്ടെന്നും ഷെയ്ന്‍ പറയുന്നു. 2017ല്‍ ഉല്ലാസത്തിനുള്ളില്‍ കരാറില്‍ ഒപ്പുവയ്ക്കുമ്ബോ 27 ലക്ഷം രൂപയായിരുന്നു പ്രതിഫലം നിശ്ചയിച്ചിരുന്നത്. ആ പണവും ഷെയ്‌ന് കൈമാറിയിരുന്നു. എന്നാല്‍ ഇപ്പോള്‍ തന്റെ താരമൂല്യം 40 ലക്ഷം രൂപയാണെന്നും ആ തുക കിട്ടാതെ ഡബ്ബിംഗ് പൂര്‍ത്തിയാക്കില്ലെന്നാണ് ഷെയ്ന്‍ പറയുന്നതെന്നാണ് നിര്‍മ്മാതാക്കള്‍ ആരോപിക്കുന്നത്.