ദിലീപിന്റെയും സുഹ്യത്തുക്കളുടെയും സൈബര് ഫൊറന്സിക് പരിശോധനാ ഫലത്തില് ദിലീപിനെതിരെ തെളിവുകളെന്ന് നിഗമനം... പോലീസുദ്യോഗസ്ഥരെ വധിക്കാന് ഗൂഢാലോചന നടത്തിയ കേസില് എടുത്തുപറയത്തക്ക തെളിവുകള് ലഭിച്ചിലെല്ലെങ്കിലും ദിലീപിന്റെ മേല് സംശയത്തിന്റെ കരിനിഴല് വീഴ്ത്താന് പര്യാപ്തമായ തെളിവുകള് കിട്ടിയിട്ടുണ്ടെന്ന് സൂചന... നിര്ണായക നീക്കവുമായി ക്രൈംബ്രാഞ്ച്
ദിലീപിന്റെയും സുഹ്യത്തുക്കളുടെയും സൈബര് ഫൊറന്സിക് പരിശോധനാ ഫലത്തില് ദിലീപിനെതിരെ തെളിവുകളെന്ന് നിഗമനം...
പോലീസുദ്യോഗസ്ഥരെ വധിക്കാന് ഗൂഢാലോചന നടത്തിയ കേസില് എടുത്തുപറയത്തക്ക തെളിവുകള് ലഭിച്ചിലെല്ലെങ്കിലും ദിലീപിന്റെ മേല് സംശയത്തിന്റെ കരിനിഴല് വീഴ്ത്താന് പര്യാപ്തമായ തെളിവുകള് കിട്ടിയിട്ടുണ്ടെന്നാണ് മനസിലാക്കുന്നത്.സംവിധായകന് ബാലചന്ദ്രകുമാറുമായി ദിലീപിനുള്ള ബന്ധം ആഴത്തില് മനസിലാക്കാന് കഴിഞ്ഞിട്ടുണ്ട്.
എന്നാല് ഇപ്പേഴുള്ള തെളിവുകള് അടിസ്ഥാനമാക്കി ദിലീപിനെതിരെ ഗൂഢാലോചനാകുറ്റം ചുമത്താന് കഴിയുമോ എന്ന കാര്യത്തില് ക്രൈംബ്രാഞ്ചിന് സംശയമുണ്ട്. എന്നാല് ഒന്നുമില്ലാത്തതിനെക്കാള് ഭേദം എന്തെങ്കിലുമുണ്ടാകുന്നതല്ലേ എന്നത്തശ്വാസത്തിലാണ് ക്രൈംബ്രാഞ്ച് .
മൊബൈല് പരിശോധനാ ഫലത്തില് ഒന്നും ഇല്ലായിരുന്നെങ്കില് ക്രൈംബ്രാഞ്ച് മേധാവി ഉള്പ്പെടെയുള്ളവര് പ്രതിസന്ധിയിലാകുമായിരുന്നു. സര്ക്കാരിന് മുന്നില് മറുപടി പറഞ്ഞ് മടുക്കുന്ന സാഹചര്യം വന്നു ചേരുമായിരുന്നു. ഏതായാലും അത്തരമൊരു സാഹചര്യത്തില് നിന്നും ക്രൈംബ്രാഞ്ച് തത്കാലം രക്ഷപ്പെട്ടു.
നടിയെ തട്ടിക്കൊണ്ടു പോയി പീഡിപ്പിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസിലെ മുഖ്യപ്രതി നടന് ദിലീപ് അടക്കമുള്ളവരുടെ മൊബൈല്ഫോണ് പരിശോധനാഫലം കോടതിയില് സമര്പ്പിച്ചു. അന്വേഷണ സംഘത്തിനു ലഭിച്ച നിഗമനങ്ങളുടെ അടിസ്ഥാനത്തില് വീണ്ടും ദിലീപിനെ ചോദ്യം ചെയ്യും. ഇതിന്റെ വെളിച്ചത്തില് ദിലീപിന്റെ സഹോദരന് പി.അനൂപിനെ കളമശേരി ക്രൈംബ്രാഞ്ച് ഓഫിസില് ഇന്നു ചോദ്യം ചെയ്യും.
പരിശോധനാഫലവും അനൂപിന്റെ മൊഴികളും വിലയിരുത്തിയ ശേഷം ദിലീപ്, സഹോദരീ ഭര്ത്താവ് ടി.എന്.സുരാജ് എന്നിവരെയും ചോദ്യംചെയ്യും. ക്രൈംബ്രാഞ്ച് പ്രധാനമായും ആവശ്യപ്പെട്ട മൊബൈല് ഫോണ് കണ്ടെത്താന് കഴിഞ്ഞിട്ടില്ല. ഇത് ഒഴികെയുള്ള ഫോണുകളാണു പ്രതിഭാഗം കോടതിയില് സമര്പ്പിച്ചു പരിശോധനയ്ക്ക് അയച്ചത്. ഫോണുകളുടെ കൂടുതല് പരിശോധനകള് ആവശ്യമാണെങ്കില് കോടതിയുടെ അനുമതിയോടെ ബെംഗളൂരു ഫൊറന്സിക് സയന്സ് ലാബിലേക്ക് അയയ്ക്കേണ്ടിവരും.
മാര്ച്ച് ഒന്നിനാണ് തുടരന്വേഷണ റിപ്പോര്ട്ട് കോടതിയില് സമര്പ്പിക്കേണ്ടത്. ക്രൈംബ്രാഞ്ചിന്റെ രണ്ടു സംഘങ്ങളാണ് അന്വേഷണം നടത്തുന്നത്.
ക്രൈംബ്രാഞ്ച് ആവശ്യപ്പെട്ട ഒരു ഫോണ് ദിലീപ് ഹാജരാക്കാത്ത സാഹചര്യത്തില് അതിന ക ത്താണ് കൂടുതല് തെളിവെന്ന് പറഞ്ഞ് ക്രൈംബ്രാഞ്ചിന് രക്ഷപ്പെടാം. ഹാജരാകാത്ത മൊബൈല് ഫേണ് ദിലീപ് ഒരിക്കലും ഹാജ രാക്കാന് സാധ്യതയില്ലെന്ന്ക്രൈംബ്രാഞ്ചിനറിയാം. അത് മുന്കൂട്ടി കണ്ടു കൊണ്ടാണ് ഇങ്ങനെയൊരു ലൂപ് ഹോള് ക്രൈംബ്രാഞ്ച് സ്ഥാപിച്ചെടുത്തത്.
ഇപ്പോഴത്ത സാഹചര്യത്തില് കോടതി പോലീസിന് എതിരാണ്.അത്ത തങ്ങള്ക്ക് അനുകൂലമാക്കി എടുക്കുക എന്നത് അത്ര എളുപ്പമല്ല. ദിലീപ് ഹാജരാക്കിയ ഫോണുകളില് കാര്യമായ തെളിവുകള് ഇല്ലെന്ന നിഗമനമാണ് കോടതിക്കുള്ളത്. അതുകൊണ്ടാണ് രൂക്ഷമായ ഭാഷയില് ക്രൈംബ്രാഞ്ചിനെ ഹൈക്കോടതി വിമര്ശിച്ചത്. ഫൊറന്സിക് ലാബില് നിന്ന് കോടതി പ്രാഥമികമായി വിവരങ്ങള് തേടിയിരുന്നു.
"
https://www.facebook.com/Malayalivartha
