ബി​ഗ് ബോസ് മലയാളത്തിന്റെ ചരിത്രത്തിലെ തന്നെ ഏറ്റവും സംഭവ ബഹുലമായ സീസൺ ആയിരുന്നു ഇത്തവണത്തേത്. ഏറ്റവും കൂടുതൽ ജനശ്രദ്ധ നേടിയ സീസൺ കൂടിയായിരുന്നു ഈ നാലാം സീസൺ. അതുകൊണ്ട് തന്നെ ബിഗ് ബോസ് മത്സരാർത്ഥികൾ ഒക്കെ തന്നെ ഇന്നും സോഷ്യൽ മീഡിയയിൽ നിറഞ്ഞു നിൽക്കുകയാണ്. അവരുടെ വിശേഷങ്ങൾക്കായി കാത്തിരിക്കുകയാണ് ആരാധകരും. വ്യത്യസ്തരായ 20 മത്സരാർത്ഥികളാണ് നാലാം സീസണിൽ ഷോയിൽ എത്തിയത്. ഇതിൽ വിജയിയായത് ദിൽഷ പ്രസന്നായിരുന്നു. രണ്ടാം സ്ഥാനം ബ്ലെസ്ലി നേടി. മൂന്നാം സ്ഥാനം റിയാസ് സലീമിനായിരുന്നു. ബി​ഗ് ബോസ് മലയാളം സീസൺ നാലിലെ ശക്തരായ മത്സരാർത്ഥികളിൽ ഒരാളായിരുന്നു റോൺസൺ. ബി​ഗ് ബോസ് ഹൗസിനുള്ളിൽ ഒരുപാട് വിമർശനങ്ങൾ നേരിട്ട മത്സരാർത്ഥികളിൽ ഒരാൾ കൂടിയായിരുന്നു. കൂടുതൽ നോമിനേഷനുകളിൽ വന്നെങ്കിലും അവസാന നോമിനേഷൻ വരെ ബി​ഗ് ബോസിലുണ്ടായിരുന്നു. വീട്ടിലുള്ളവർ പ്രതീക്ഷിക്കാത്ത ഒരു എവിക്ഷനായിരുന്നു റോൺസൻ്റേത്. തൊണ്ണൂറ്റിമൂന്നാം ദിവസമാണ് റോൺസൺ പുറത്തായത്.

തുടർച്ചയായി പലതവണ എവിക്ഷനിൽ വന്നിട്ടും റോൺസൺ സേഫായിരുന്നു. കൂടാതെ വീട്ടിൽ വലിയ പ്രശ്നങ്ങൾ സ‍ൃഷ്ടിക്കാതെ മുന്നോട്ട് പോയിരുന്ന മത്സരാർത്ഥി റോൺസണായിരുന്നു. ബി​ഗ് ബോസ് ഹൗസിൽ വന്നപ്പോൾ മുതൽ വീട്ടിൽ പോകണമെന്ന ആ​ഗ്രഹം പലപ്പോഴും റോൺസൺ‌ പ്രകടിപ്പിച്ചിരുന്നു. മാത്രമല്ല ബി​ഗ് ബോസ് വിജയിക്കണമെന്ന് ഒരിക്കൽ പോലും റോൺസൺ പറ‍ഞ്ഞിരുന്നുമില്ല. ബി​ഗ് ബോസിൽ നിന്ന് പുറത്തിറങ്ങിയ ശേഷം സമൂഹ മാധ്യമങ്ങളിൽ സജീവമാണ് താരം. ഇപ്പോഴിതാ പുതിയ സന്തോഷം ഇൻസ്റ്റ​ഗ്രാമിലൂടെ പങ്കുവെച്ചിരിക്കുകയാണ്. ബി​ഗ്ബോസിലെ സ്പോൺസേഡ് ടാസ്ക്കുകളിൽ വിജയിച്ചതിൻ്റെ സമ്മാനങ്ങൾ വീട്ടിലെത്തിയ വിവരമാണ് പ്രേക്ഷകരം താരം അറിയിച്ചത്. ഒരു വർഷത്തേക്കുളള ഇന്ത്യ​ഗേറ്റിൻ്റെ അരിയാണ് റോൺസൻ്റെ വീട്ടിൽ എത്തിച്ച് നൽകിയിരിക്കുന്നത്. വീട്ടിൽ അരികൊണ്ട് വന്നവർക്കും ഇന്ത്യ​ഗേറ്റിന്റെ പ്രവർത്തകർക്കും ബി​ഗ് ബോസിനും റോൺസൺ നന്ദി പറയുകയും ചെയ്തു. ബി​ഗ് ബോസിൽ സ്പോൺസേഡ് ടാസ്ക്കിൽ വിജയിച്ചതിൻ്റെ സമ്മാനമാണ് ഇപ്പോൾ ലഭിച്ചത്. ഹൗസിൽവെച്ച് നിരവധി സ്പോൺസേഡ് ടാസ്ക്കുകൾ മത്സരാർത്ഥികൾക്ക് നൽകിയിരുന്നു. മിക്ക മത്സരാർത്ഥികളും ഏതെങ്കിലും ഒരു ടാസ്ക്കിലെങ്കിലും വിജയി ആയിട്ടുണ്ട്. എന്നാൽ ലക്ഷ്മി പ്രിയ മാത്രം ഒരു സ്പോൺസേഡ് ടാസ്ക്കിലും വിജയിച്ചിരുന്നില്ല. അത് ഒരിക്കൽ ഹൗസിൽ വെച്ച് ലക്ഷ്മി പറയുകയും ചെയ്തിട്ടുണ്ട്.